【見工面試】30歲第一次搵正職 慘遭面試官當面奚落「而家先嚟搵工，屋企好有錢？」

正所謂「一樣米養百樣人」，每個人的性格、處事方式都不一樣，走的路也截然不同。有人在30歲已經晉升為管理層、領取可觀月薪；30歲時展開職涯新一頁的亦大有人在。在網上討論區Dcard有台灣求職者分享個人經歷，指30歲第一次找正職工作，卻在求職時被面試官當面奚落，「現在才來找工作，家裡很有錢？」

►最新【物業】職位空缺

點圖了解更多事主分享：

+23

+22

「因為之前畢業一直都冇出去做嘢，後嚟被屋企人趕出門，就見到有貼徵人廣告嘅我都會去面試。嗰陣身上面得台幣5,000（約港幣1,276）應急，夜晚住網吧投履屐，日頭就搵工同聽面試電話。

我係喺私立大學嘅中文系畢業，冇電單車牌，見到人群會恐慌，所以唔搵餐飲業或者要同人直接接觸嘅工。一開始我收到補習社行政助理嘅面試通知，應徵嘅人都一個個自我介紹，大部分人都係20幾歲嚟In，輪到我嗰陣，就畀負責應徵嘅主任笑，話我而家先嚟搵工？係咪屋企好有錢？

佢哋話中文系都係喺深山裡面不食人間煙火，仲話佢哋小廟容唔下大作家等等，然後其他人一齊面試嘅人都偷笑，我聽到佢哋啲笑聲，眼眶有啲濕，仲畀人話『而家啲人咁唔捱得，抗壓性好低』。

我想講我已經好努力，之前屋企出咗啲問題，心理有啲問題先冇搵工，而家屋企人唔要我，外面又睇我唔起，嗰吓真係好想死。而家已經搵份保安嘅工，目前係返夜晚，日頭去旅館沖個涼，再去網吧補個眠，屋企目前都仲係唔同我聯絡。」

網民回應：

A/嗰個面試官好過份，喺側邊偷笑都好冇品......反正當下就知佢哋唔請你，不如直接同佢哋開罵戰，總之恭喜樓主搵到工，唔好太難過，有問題嘅唔係你，希望可以搵到安穩嘅工作、好好生活。

B/至少你願意工作，畀個肯定自己先！

C/恭喜你搵到工，我都係搵緊工，畀屋企人嫌棄到不得了。想講，做一個好嘅保安都係好偉大嘅工作，之前我嘅單位本身遇到啲麻煩，原來嘅保安都話呢啲嘢「管唔到」，後來有個新保安嚟咗，知道件事之後仲即刻睇CCTV，幫忙同隔籬左右溝通，後來有段時間過咗好平靜嘅日子，真係好多謝嗰位保安先生，衷心感謝佢，祝佢好人一生平安。

D/嗰個面試官真係好冇品，你已經願意踏出第一步已經好好，加油。

E/但你之前真係冇做嘢，會遇到呢啲情況都唔出奇，不過而家搵到保安嘅工作都好好！至少已經唔再係新手！好好做，好好面對自己，持續提升生活嘅質素！加油！

F/你睇吓，趕你出去就搵工！

G/面試官真好冇禮貌，係我實寸返佢轉頭，反埋枱！

H/唔使理面試官講啲乜，搵到工做就努力做！只要願意做，就算能力差，或者是人工少好，都係會進步！堅持落去，加油！

I/唔好意思，除咗撇除面試官冇品嗰部分，我覺得你成篇文有種「我弱我有理」，你哋全部人都要諒解我嘅感覺。

J/畀人趕出去係應該，應該要多謝屋企人，應該早啲趕你出去。

K/我覺得一般人見到人30歲先開始出嚟搵工，多少都會覺得疑惑？面試官錯在佢唔應該當面講啲咁過份嘅說話，樓主未來仲要喺社會繼續行，可能有心理準備會受到啲咁嘅質疑（唔理係單純提出問題，定係寸你）人群恐懼、畏畏縮縮、失敗主義，呢啲可能係你想未來過得順啲，需要慢慢克服，祝你之後會越來越好。

不要在意別人的目光
對於事主的狀況，網民的留言分為兩派，大部分人都安慰事主，斥責面試官及同行的求職者很過份，並鼓勵事主讓他不要灰心，現時有保安的工作已經很好。相反，有網民就指責事主，指他曾經發文，為自己到30歲也不找工作而辯護，有的認為事主的態度是「我弱我有理」，有人嘲笑指他好應該感謝家人把他趕出門，讓他學會自力更新。不論你的年齡大小、職業範疇，只要願意在職場踏出第一步，已經是成功的一半，不需要太在意別人的目光。

30歳都未搵到穩定，等於好失敗？（點圖了解更多）

+13

+12

►最新【零售】職位空缺

即睇8件成功人士30歲時不會做的事！

+24

+23

延伸閱讀：【職場英語】想喺Email快速表明目的？ 教你7大「For your…」用法
延伸閱讀：【職涯規劃】30歲最後悔做過邊10件事？「拍拖太少」都上榜？
延伸閱讀：【職場熱話】好奇而家返工嘅人用乜中文輸入法多？網民：而家班00後好多都用普通話拼音啦！
延伸閱讀：【職場關係】10種職場「小人」典型特徵 小心過度友善 悲觀主義者

最新專訪片︰
【Office豪華旅行團】安永會計重視多元和企業社會責任 培養包容性的企業文化

⏩⏩  需要請人？立即刊登招聘廣告！  ⏪⏪