【見工面試】面試畀人壓價15%？仲要係比而家人工低15%！打工仔一句話反擊 全場Dead air

打工仔見工面試最怕遇到的莫過於薪金待遇不符預期，被面試官壓價已經足夠離譜，人工比現有薪酬低更是難以接受。近日，一位打工仔在社交平台「Threads」分享一次荒謬的面試經歷，面對4個面試官的公然壓價，事主一句反擊令全場瞬間鴉雀無聲，更反問一個問題令面試官再度語塞。究竟發生甚麼事？

即看事主經歷及網民回應：

+26

+25

事主：見工見過一間港島嘅NGO（非政府組織），4個面試官對住我，一輪問答後講人工。

面試官：「如果人工低15%你會唔會考慮？」

我：「比Expected salary低15%？咁會同我而家人工差唔多！」

面試官：「唔係，係比你而家嘅人工低15%。」

我决絕地答：「咁我完全唔會考慮！」

突然全場Dead air……跟住另一面試官問：「你仲有冇咩問題？」

我：「我想問貴機構有咩優點，覺得有人人工低15%都會做？」

跟住全場再度Dead Air……

網民A：我試過去港島某間NGO見工，自己上一份工係1萬7，Expected salary係1萬7鬆啲。第一輪面試好正常，到第二輪等咗半個鐘先有人嚟，一入到去佢話佢哋呢個位最多畀1萬2。

網民B：嫌人工低去做Corporate工啦，你見得NGO都預咗係人工低㗎啦。

網民C：我面試過九龍某間NGO，一入去就要作篇文，寫咗30分鐘，老實講一見佢要作文，我就亂寫算。之後入去1對4有問有答，到佢哋問到冇嘢好問，就開始話我嗰篇文唔對題。我心諗，我都唔知你間公司個環境係點，你想我點答。然後再Judge我啲成績唔符合佢要求，唔符合要求咁你叫我去見工？我話我學歷已經過咗資歷架構，講完佢哋仲係話我成績差，仲要將我啲證書好似廢紙咁喺枱面飛嚟飛去。面試完佢就咁將啲證書推畀我就算，疊都冇疊返齊。

網民D：我見過4間NGO，見到我以前人工有1萬8，個個都直接話開唔到咁嘅價，講到咁已經好想即刻走，仲要人做埋筆試。入呢行簡直係做廉價勞工！

網民E：有咩面試需要1對4？我最多試過1對2。

網民F：其實而家政府判資助，NGO想畀高啲人工都畀唔到。我都請緊人，覺得人工真係低，但身不由己，唔係我決定得到嘅嘢。

網民G：我以前見過一間NGO嘅社工，佢Job title寫明請助理社會工作主任（ASWO），當年呢個位大約2萬5，咁我個Expected salary只係寫2萬3。老細見到我，第一句就問我，2萬接唔接受？我即刻話：「你哋請緊ASWO，你仲壓價，咁你點解唔話請社會工作助理（SWA）呢？」然後佢話個位要大學學歷喎！咁我祝佢2萬請到有幾年經驗又係大學畢業嘅ASWO啦！

網民H：你都幾好脾氣，仲會問返佢轉頭，畀我就當場鬧佢。

網民I：NGO請人係當你嚟體驗人生，價錢一定冇得同私人市場比。但一個詞講晒，「穩定」最啱冇大志又想有份工嘅人。NGO極少OT，福利之類嘅嘢間間唔同，但佢哋會跟返薪級表加人工，你唔會因為冇數而畀人炒或者加得少人工，唔會有搏殺呢樣嘢，所以做又36唔做又36！有心嘅人會諗啲貼合需要嘅嘢嚟應對，但人工又唔會變多。呢啲就係NGO生態，佢嘅遊戲規則有佢嘅特別之處。而樓主講嘅嗰間，佢哋請人嘅起薪點係低，但升值能力高。

網民J：咁我工作表現會少25%你介唔介意？

網民K：上一份4萬3，見工程師嘅工畀人壓價減一萬，仲要喺好遠嘅地方返工。佢話我咁耐未搵到工已經脫離咗市場，我都扮接受到減價，然後心諗，脫離一陣就會失憶？大學學位會唔見咗？咁你放個假咪冇咗個腦？最後都冇請到。

拒絕不合理條件 堅守底線

網民對事件反應兩極，有人認為NGO薪酬低是預期之內，不同的工種有各自的優勢和適合的人群；亦有打工仔分享類似經歷，指NGO面試流程冗長，卻人工不符市場平均水平。見工面試是雙向選擇，僱主壓價的同時，求職者也有權拒絕不合理條件，與其委曲求全，不如堅持原則，尋找符合自己要求的工作。

同場加映： 【見工奇聞】 HR提出試用期內扣減人工 求職者1句霸氣反擊完勝！

+20

+19

►最新【非政府組織/社福】職位空缺

►最新【政府/公共機構】職位空缺

►最新【行政】職位空缺

►最新【工程】職位空缺

延伸閱讀：【社會工作助理VS助理社會工作主任】同是社工 為何人工差一萬？

延伸閱讀：【見工面試】見工成日畀HR話jumpy 網民怒斥：加幾%人工就想人共渡時艱？

延伸閱讀：【見工面試】面試被壓價逾萬元 仲要由CEO親自見 事主：點解你好意思咁問？

延伸閱讀：【伏工預警】面試官好寸令人唔想take offer！答問題句句窒住晒？求職者：佢話我個答案一聽就知上網睇⋯⋯

最新專訪片︰

【星級斜槓族】雷同二友為音樂夢想打100份工 用創作回應時代 願成為都市人的心靈「療癒劑」

⏩⏩  需要請人？立即刊登招聘廣告！  ⏪⏪