【見工面試】被面試官指唔識包裝自己 事主：表現唔到有幾想做份工⋯

在面試時，求職者要懂得如何向面試官「推銷」自己，才能夠增加獲得工作的機會，不過現實中，並非每位求職者都懂得當自己的「最佳推銷員」。有打工仔在網上討論區Dcard發起工作面試相關的討論，談及有面試官曾經給予他回饋，指他不懂得包裝自己「他說我表現不到有多想做這份工。」

點圖了解更多事主經歷：

+20

+19

延伸閱讀：【面試攻略】見工被問上一份工離職原因 6大模範答案得HR歡心
延伸閱讀：【職場英語】學會英文客套話 不再被字面誤導

事主分享：

「我諗我嘅性格係主要問題，我一向都唔鍾意Sell自己，會覺得唔知應該點Sell，同埋呢個行為好假，如果我Sell到天花龍鳳咁，到頭嚟唔係嗰回事，就會變到好樣衰。諗返起以前，小學申請做風紀要做Interview，我唔識講自己有咩好，個個同學就講到唔停口，最後個老師話『Sorry，你嘅Interview表現真係麻麻，我哋唔會考慮你。』

我有5年工作經驗，對上一次見工有搵過啲外資公司，試過in 3 round 全部都係外國人面試官，佢哋對我好滿意，仲畀咗offer我，但當中有啲terms傾唔掂我就無accept到。

啱啱最近In嘅一份工，都係外資但老闆係香港人，面試完最後佢畀返啲feedback我，佢覺得我唔識包裝自己，佢聽得出我一啲skill sets係好好，亦有啲經驗係幫到手，佢話唔擔心我，覺得我可以勝任呢份工作。

不過單憑Interview 嘅表現，佢覺得我好似唔係好想得到呢個position咁，話唔係好清楚我嘅性格同風格係點。面試嘅過程我都係就住佢問嘅問題答，佢都係問一啲關於工作嘅嘢我再發揮，同埋講點樣將現有份工嘅skills同經驗，幫到申請嘅呢個職位。

其實聽到個面試官咁講，係覺得有少少唔開心同挫敗，係自己咁差定係同個面試官唔夾呢？畢竟之前In嗰班外國人佢哋覺得我好好，仲要in嘅係一啲senior少少啲嘅位。

講多個小故事，現公司有個高層同我講，『你做得好好，無人質疑你嘅工作能力，但你要上位 你要多啲表現自己，好似呀邊個咁。』佢講嗰個人係出名做唔到嘢，講多過做，做都做到一鑊粥，但嗰個人好鍾意表現自己，佢近乎係每做一樣嘢都要同全世界人講自己做緊乜乜乜，『好難㗎，好彩我醒所以搞得掂』。因為咁樣，所以大老細好buy佢，升都升佢先。」

網民回應：

A/Sell自己或者包裝自己，唔一定係講到自己有咩好，最重要係Likeable，同In你嗰個傾到偈

B/樓主你要畀多啲信心自己，喺present 之前試下吸一大啖氣先，講嘢可能要加多啲自然嘅肢體動作，試吓有機會時主動爭取。喺後面做嘢其實無人見到。無計，呢個世界咩都靠包裝。

C/我都係咁，由中學開始好驚Interview，所以見親工都Fail，唔知點答先叫答得好，到而家都係一入到間房就口窒窒，好焦慮

D/可能係因為好想得到Offer嘅人，講嘢嘅時候會令人覺得佢哋比較積極，令人感覺到佢嗰種熱情。

咁樓主了唔了解自己係個點嘅人？ (eg. 健談/具親和力/冷靜)知唔知自己處事嘅方法同態度係點？(eg. 擅長獨自做事，還是擅長同人溝通、合作嘅人？)

E/咁你現職高層無講錯喎，要向上升更需要溝通能力，識得點同其他部門嘅阿頭打交道，建立關係攞buy-in，Manager或以上嘅主要工作內容好大部分係咁，反而只要手下有hard skills ，加上交到功課就得。

F/我覺得重點係你點樣睇「面試」呢樣嘢，普遍人都會覺得面試就係佢問我答，但其實唔係咁簡單，佢問我答只係基本。其實係個面試過程你係要推銷自己，你嘅目的唔止要做到佢問你答，更加要做到一樣嘢係，面試嗰個人嘅同事問佢，今日有無人表現幾好，面試嗰個人會答有，而佢講緊嘅係你。即使佢唔記得你問，好多時CV同interview 要適當「刪減」一啲嘢，適當地「講多」一啲嘢。

G/我都係好踏實嘅人，唔鍾意吹噓自己，所以我啱啱畢業嗰陣好難搵到工。其實我大學成績好好，全班最top畢業，但見工我可能會過份謙虛，例如：我programming比同班嘅人算好，但我會話自己識少少，唔算好叻，所以試過好多次因為呢個原因，收唔到Offer。

相反我有朋友佢係唔叻，但會吹到好大，反而好多僱主信佢講嘅嘢。我自己又真係過唔到自己嗰關，覺得自己唔叻就係唔叻，唔鍾意吹到天花龍鳳，但職場就係咁，呢啲性格係會輸蝕。

推銷自己不等於吹噓
很多人對於在面試上推銷自己，都會把「推銷」想成「吹嘘」，但這個想法並不是完全正確。

與你進行面試的面試官，有時並非熟讀你的履歷表，不是清楚了解你，在這個時候你就要將自己擁有的能力和經驗告訴對方。這種事實陳述，能幫助對方了解你更多。始終面試官不是你肚內的蟲，要是你不跟對方說，很多事情他們是不知道。

在Present的時候，有甚麼需要具備的技巧？（點圖了解更多）

+7

+6

即睇5個從面試失敗中學習的貼士：

+15

+14

延伸閱讀：【見工奇遇記】問職業前景卻被面試官黑面？求職者衰講多咗●●兩隻字
延伸閱讀：【見工面試】求職者常遇到的4類測試

⏩⏩  需要請人？立即刊登招聘廣告！  ⏪⏪