【見工面試】被面試官批評唔夠靚事主：點解要咁攻擊我？

2022-07-29

「你的樣子如何，你的日子也必如何」，網民經常會借這句慨歎現實世界追求外貌主義，甚至會將自己或者別人的失敗原因歸咎於相貌。普遍以實力為先的職場，也出現以貌取人的例子，香港討論區有求職者訴苦，指見工時被面試官批評自己的樣子不夠漂亮：「為甚麼要這樣攻擊我？」

點圖了解更多事主經歷：

+10

延伸閱讀：【面試攻略】見工被問上一份工離職原因 6大模範答案得HR歡心
 延伸閱讀：【職場英語】學會英文客套話不再被字面誤導

事主分享：

「第一次見全職嘅工，未知自己想做啲咩，所以打算第一份工搵接待員做住先，諗住唔啱就再轉過，Send咗一堆CV之後，終於有幾間打電話畀我見工，今日我就見咗第一間公司。

開始見工嗰陣，本身我同面試官傾得幾開心，但有個男HR突然入咗嚟，搵咗個位坐低，佢塊面黑過舊炭，完全無問過我問題。到差唔多In完嘅時候，個男HR終於開聲講嘢：『你覺得我哋公司點解要請你？坦白講，你唔係生得特別靚，份CV又唔係特別出色，我真係搵唔到原因要請你！』

嗰陣我心諗，咁份工嘅工作內容都無寫明要生得靚，如果覺得我咁差，可以唔浪費時間In我喎，覺得唔適合咪唔好請我囉，點解要咁攻擊我？而家做接待員一定要生得靚咩？其他面試我仲去唔去好…」

網民回應：

A/你可以告佢歧視

B/可能佢想考吓你EQ，因為個客第一個就見你

C/請接待員，真係要請個順眼，又靚嘅人，始終係對客人第一印象，唔打得都睇得。呢個肯定係潛規則，但可惜呢個標準無可能寫落工作內容度，等你知己知彼，咁公司都要睇到個應徵者先知適唔適合，不過佢當面同你講好無禮貌

D/我係你實當面話返佢轉頭

E/好明顯間公司係玩緊你，唔想請人

別被面試官影響自信
不少網民都建議事主可以循法律途徑處理，可惜現行香港反歧視法例，只有《性別歧視條例》、《殘疾歧視條例》、《家庭崗位歧視條例》及《種族歧視條例》，並沒有條例規範與外貌歧視相關的事件，遇到上述事件無奈投訴無門。事主會遇上這種情況，實屬不幸，希望事主不會被事件影響她求職的信心，能夠在下次面試中好好表現。

演講時沒信心，可以參巧以下5個技巧：

+13

+12