Next
【見工面試】被問「有冇睇公司官網」係陷阱？事主：差啲畀佢陰到！
【見工面試】被問「有冇睇公司官網」係陷阱？事主：差啲畀佢陰到！
2023-10-06
透過面試提問，面試官或人力資源從業員（HR）能夠更了解求職者，例如他是否了解應徵職位的內容及職責、對公司的業務是否熟悉及其工作態度等等。
在網上討論區Dcard，有台灣求職者分享個人經歷，指面試官在見工時，向他發問「有否睇過公司官網」，他笑指差點因為這條問題而身陷險境。
點圖了解更多事主分享：
「話說我有日去咗面試，個面試官問我：『你有冇睇過公司個網站？』我答佢：『公司冇官網㗎！』（好彩我有事先上網查過）面試官就答我：『係呀，我哋公司冇官網。』我就滿頭問號，差啲出咗事。
大家面試有冇遇過類似嘅問題？用嚟測試面試者有冇做準備嗰種問題？」
網民回應：
A/真係好好笑
B/係陷阱題
C/都幾有趣
D/我上次面試都有畀人咁問過，一模一樣呀！
E/測試個求職者會唔會呃人，但我都係第一次見到有面試官咁問。
F/感覺返工會幾開心！
G/之前都係畀人問有冇睇公司個網，但我真係冇睇，所以就直接答「冇」。本身諗住應該玩完，點知最後請咗我！
H/我只係得一次，喺我仲係新人嘅時候。當時我去in一間貿易商，佢哋連官網都冇，我仲勁傻咁去面試。而家覺得呢啲冇官網的公司好危險，推測呢個情況有4個原因：
1/個老闆好小氣
2/成本少得好緊要
3/地圖上搵唔到公司嘅資訊
4/查資料發現間公司成立咗唔到1年
而家好多職場詐騙case，唔小心好易出事！
I/我都試過被問，嗰次真係咁啱睇過，所以我先答「有」，結果佢話：「咁你講吓，我哋公司係做啲咩？」
J/其實主要係想睇吓你有冇做功課啫！
見工前睇公司網站好重要？
對於事主的個人經歷，網民都有不同的看法，有人認為上述情況是面試官開玩笑，笑言若在這間公司工作，應該會挺有趣。相反，有人認為面對沒有官方網的公司，求職者都應該格外小心，因為具一定規模的公司都會有屬於自己的網站；要是沒有，很可能代表公司的資本很少，或者只成立了較短的時間，求職者若然在這間公司工作就自求多福。
台灣求職平台「1111人力銀行」曾發布文章，指瀏覽公司網站，了解其資訊是基本的功課。若是求職者能夠說出公司的經營理念，定必會令面試官刮目相看，也會令人感受到求職者對這次面試的態度與用心。
事實上，了解應徵公司的資訊，除了能夠幫自己加分、增加錄取機會，亦是被取錄時，決定自己應否加入這間公司的重要依據，減免在職場中伏的機會。
面試前、中及後期有甚麼需要注意？（點圖了解更多）
即睇7個快速準備面試的貼士：
延伸閱讀：【職場趨勢】TikTok成打工仔發洩工具？10大熱門職埸趨勢關鍵字！
延伸閱讀：【職涯規劃】30歲必須月入3萬元？20個職場人生道理
延伸閱讀：【工作電郵】寫Email標題唔可以亂寫？7個最常犯嘅錯誤你有冇犯？
延伸閱讀：【職場溝通】Z世代與職場老海鮮難以相處？逾1成上司於首周解僱年輕員工！
超準MBTI魔法測試！你在魔法世界裡的16型人格是什麼?
立即入嚟測試啦!!
👉🏻https://bit.ly/473SlY4
最新專訪片︰
【星級斜槓族】網絡女神Hazel林熙彤 甜美外表下藏着老靈魂 辦攝影展留住記憶中的九龍城
Look out for further updates on our Facebook fan page!
Follow CTgoodjobs for the latest career news, hot topics and recommended jobs!