【見工面試】招聘人員嫌新人薪酬要求高 網民反駁：問Expected Salary為咩？

找工作時，求職者都會被公司問到「你的期望薪金（Expected Salary）是多少？」普遍人都怕自己寫得太高或太低，經過費煞思量，才定好Expected Salary的金額。最近有負責招聘的台灣打工仔在網上討論區Dcard發文，直斥面試新人對薪酬要求高，又不願做雜事，令他感到不滿，不少網民都覺得他的論點無理，不禁反駁：「到底為甚麼要問Expected Salary？」

點圖了解更多事主分享：

+8

+7

「我係行銷嘅小主管，負責管理及招募組員，已經見咗啲無相關經驗，但想嚟公司學嘢嘅求職者，好學當然係好事，但人工開價45,000台幣（約11,600港元）或者50,000台幣（約12,888港幣）嚟學嘢，真係唔知想點……點解會覺得可以拎人工嚟學嘢，咩濕碎嘢都唔做，仲玻璃心咁？

之前見嗰幾個求職者，份CV好靚，好敢叫高價，不過用4萬幾台幣，又只能夠請啲大學畢業程度嘅人返嚟，又有啲人唔係新人，有架子唔易溝通，唉，我真係好需要一個行銷企劃助理。

自認公司風氣幾好，最常講嘅嘢係『好啊！聽你講，我尊重你嘅專業！』做得好會同上面講，係下屬嘅功勞，做得唔好就係主管疏忽，會自己孭返，好攰要唞就自己請假唔使原因，放假唔使覆Message，因為老闆都唔想做嘢，做錯嘢有人執手尾，唔會鬧人，事後再大家冷靜吓，改善下次做法，想學啲咩公司都會出錢同安排時間，唔係好使OT，但加班有加班費，彈性上班，食Lunch可以食兩個鐘，加班會有晚餐蚊津貼，做到太夜可以坐的士。

咁嘅條件一直都請唔到人，我真係唔知點解，定係而家無經驗嘅人都開價45,000台幣（約11,600港元）？」

網民回應：

A/吓，你問我Expected Salary，我講出嚟都錯？

B/佢敢開價，你都有唔用佢嘅自由，面試不嬲都係受僱雙方互相評估對方嘅時間嚟

C/感覺啲公司問我哋Expected Salary係想趁機搵到廉價勞工

D/你係唔甘心同嫉妒啫！因為你好幾年前，用新人身份入嚟，個價無而家咁高，而家升高咗價，你就覺得不爽，覺得唔公平

E/所以重點係，你哋公司想用幾多錢嚟請人

F/畀人問Expected Salary，我都係開5、6萬台幣（約12,888至15,464港幣），反正都會畀人壓價，開高少少，至少我唔會畀人壓得太嚴重

G/你想用人工低又好用嘅人，求職者都想要自己想要嘅薪酬，你真係當自己高高在上，shame on you

H/問完人，就嫌人哋人工太高，代表你心裡面本來有個數字喺度，咁問嚟做乜，直接開個價畀人算

I/其實新人開45,000台幣（約11,600港元）唔算高，講到尾咪又係你唔夠錢請人，有供有求，人哋其他公司係出得起錢

J/點解份CV靚唔可以嗌高啲價？如何份CV靚，叫45,000台幣（約11,600港元）其實好普通

網民批評事主論點無理
對於事主的發文，網民都完全沒有同感，一面倒反駁事主的論點，指他自視過高，以為自己高高在上。另外，網民批評事主已經預想薪酬數字，卻要在面試時查問求職者的Expected Salary並提出質疑，表示這個行為相當無理。其實作為部門主管，好應該了解一下市場行情，再調整薪酬數字，而不是一味向求職者壓價。

面對公司壓價，應該怎麼辦？（點圖了解更多）

+5

+4

即睇5個填寫Expected Salary的貼士！

+19

+18

【心理測驗】你適合轉工定係進修？即做職場心理測驗搵答案！
【員工福利】5個2023年全球公司實行的最潮、特別福利！為員工寵物買保險？
【全美之冠】2023年100個最佳工作場所 呢啲公司竟然贏咗Google、微軟！
【人力資源】2023年掀起安靜招聘（Quiet Hiring）趨勢 僱主及員工注意事項一覽

有新嘢‼️覆老細&同事唔使打字，有【CT打工仔秒回系列】WhatsApp Sticker即刻搞掂🥰
即刻撳入嚟下載啦‼️
👉🏻https://bit.ly/3XCqYyY

最新專訪片︰
【星級斜槓族】港隊劍擊運動員吳諾弘專訪 中五停學決心打劍 東奧後卻遇職業生涯最低潮

⏩⏩  需要請人？立即刊登招聘廣告！  ⏪⏪