Next
【見工面試】打工仔煩惱應否申請曾拒絕的工作 僱主可保留求職者資料多久？
【見工面試】打工仔煩惱應否申請曾拒絕的工作 僱主可保留求職者資料多久？
2021-12-23
獲企業聘用是每個求職者的喜訊，但有時或因一些身不由己的原因而未能接受聘書。有名打工仔曾因未克抽時間進行入職身體檢查而拒絕兼職offer，但眼見該公司依然有空缺，心思思想再次申請職位，同時覺得過往曾拒絕入職而感尷尬，遂到「香港討論區」詢問網民意見。
延伸閱讀：【見工面試】上一份工嘅薪酬一定要講？網民：你有權唔講 佢有權唔請
即睇事主分享及網民回應：（按圖了解）
事主：8月見成咗份兼職，要做入職前驗身，但夾唔到時間（因為9至11月正職好忙，但佢閒日先有得檢），最後大家係電話內同意reject offer。
事主：不過我10、11、12月都見佢繼續有出請人post，而我12月起正職嗰度開始可以抽出較多閒日時間去做body check，大家覺得我好唔好send多次求職信去呢？
網民：如果你好想做嗰份，可以send多次。
網民：唔send肯定無，咁點解唔send？而家send求職信要好多成本？
網民：你不如打返電話過去同佢講閒日可以做體檢咪得囉！
網民：其實有電話傾過的話，直頭打去問吓仲可唔可以好過啦！
網民：如在意呢份工，當然再send信！無成本，又可展現毅力及顯示誠意，想不到唔send的理由。
網民：再send啦！Cover letter再加啲客氣說話，話多謝佢上次offer咁樣，勾起佢哋回憶。
網民：講返個正面例子，我試過見完工，對方來電叫我返工但我拒絕咗，過一排鬼使神差又send咗信去，今次個老細直接搵我，佢話知我之前嚟見過工，但係無做，最後我接受佢嘅offer，人工仲比之前一次要求為高。
網民：如果覺得好樣衰就唔好send喇。
網民：你當然可以send多次求職信去，不過如果我喺請人嗰個，我就唔會再考慮你囉。
網民鼓勵：肯試起碼無悔 事主終再發申請
大部分網民認為事主應該敢於嘗試，無謂揣測僱主收到求職信的反應，因為「send信基本上近乎無成本」，即使申請最終石沉大海也起碼曾盡力。另有網民鼓勵：「不一定有成果，但至少無悔。」雖然小部分留言認為再發求職申請一事尷尬，但非網民主流意見。
在眾多網民支持下，事主最終在討論開始後一日現身表示自己已經重發求職申請，並依照網民建議在求職信加了一些客氣說話。
求職者資料最多保留兩年
根據香港個人資料私隱專員公署發布的《人力資源管理實務守則》，僱主不得保留求職者在招聘方面的資料超過兩年，而該兩年期限由拒絕聘用求職者當日起計算。
延伸閱讀：【見工面試】求職被問「你點解揀我哋公司？」 3個完美回答獲取HR歡心
延伸閱讀：【職埸熱話】見工即日被錄取 打工仔返工5日後被炒究竟點解？
Look out for further updates on our Facebook fan page!
Follow CTgoodjobs for the latest career news, hot topics and recommended jobs!