【見工面試】向HR解釋上一份工點解辭職 竟被反問「咁你有冇諗過自己點解畀人拖糧？」 事主：嬲到震！

近日，打工仔Emilia在社交平台「辦公室日報」發文，分享了一次離奇的見工面試經歷。事緣在面試時，HR循例問到Emilia有關於上一份工作辭職的原因，於是她便如實回答。誰知，HR聽完後竟然反問了Emilia一條問題，讓她頓時憤怒得想要拿起水杯淋向對方。究竟是甚麼問題令到面試者如此氣憤？Emilia最終又有沒有向對方淋水洩憤？

按圖即看樓主經歷：

+6

+5

事主：「今日去Interview，個HR問我上一份工點解辭職？我：『拖糧，每個月都遲10日8日先出。』HR：『有冇諗過你自己有咩問題，所以公司先會拖你糧？』雖然係兩三秒間嘅事，但都稍為形容吓自己當時心理變化，我第一個反應係愕然，你叫畀人拖糧嘅受害者反省？其實我有猶豫過呢位HR係咪口快快講錯。

第二個反應係嬲，當時枱上面有杯水，有少少衝動想一嘢淋埋去，然後問返佢：『你有冇諗過自己有咩問題，所以我先會淋你？』不過我好快已經冷靜落嚟，因為知道唔值得，所以我冷笑咗一聲，再問個HR拎返張Reference letter。我帶咗正本Reference letter上去，佢一路In我一路逐張睇，佢問呢個白痴問題嗰陣，正正拎住我其中一張Reference letter。

拎返自己啲嘢之後我就起身離開，聽到個HR問：『你去邊？未In完喎！』落到樓唔知點解我已經冇嬲，仲覺得件事好好笑，名符其實係嚇一跳，然後得啖笑，你咁嘅問題都問得出？呢份工唔見都唔使恨啦！後來我都有同朋友講起件事，朋友叫我應該要淋佢，其實我係驚淋濕自己啲文件咋！」

按圖即看網民留言：

+9

+8

網民 A：我會答佢：「我真係覺得自己有問題，問題就係唔知點解見到公司拖糧都唔告去勞工處。同埋點解我仲要係度思考點樣回答你呢個IQ同EQ都唔在線嘅問題？你請便，我走先！」

網民 B：準時出糧係公司嘅責任，若公司拖糧就係公司冇錢出糧周轉唔嚟，又或者HR同會計啲員工嘅工作能力有問題，做唔切Payroll。就算嗰位員工工作表現有問題，你可以炒佢，都唔應該拖糧。

網民 C：咁都問得出，佢點做HR？拖糧係違法喎。

網民 D：其實個HR用心良苦，暗示呢間公司都會對佢地覺得有問題嘅員工拖糧。

網民 E：唔通呢間公司認同拖糧？

網民 F：其實點解會有人覺得拖糧係正常，理解不能！

網民 G：拖糧犯法㗎喎，就算員工犯咩大錯，都只可以解僱，甚至即時解僱，最多冇補水⋯⋯但都要出返糧畀前僱員，呢個HR講啲野好嚇人，佢有冇對勞工法例嘅正確知識㗎？

網民 H：真係一秒火燒心！

網民 I：呢個HR嘅思路好有趣，工作有問題同拖糧兩件事完全冇關係都可以拉埋嚟講，佢會唔會覺得老闆便秘都關員工事？

網民 J：問佢「有冇諗過你自己有咩問題，所以我先要走？」

網民 K：畀我實串返佢，跟住起身走人！

網民們隔著螢幕都能感受到Emilia的感受，在委屈和憤怒交集的當下，確實容易作出衝動舉動！雖然Emilia最後成功「忍手」，沒有當場痛罵該面試官，但一眾網友都認為事件十分離譜，懷疑對方對勞工法例沒有基本認知，才會問出這種問題。同時也有網民提出一個陰謀論，指對方可能暗地裏提醒Emilia不要入職該公司，否則將會遭受同樣對待。到底真相是怎樣，相信只有該面試官自己知道⋯⋯

面試是求職過程中非常重要的一環，然而面試中往往會遇到各種意外情況，這些情況可能會干擾求職者的表現，甚至影響到求職者的機會。本文列出9個面試中可能遇到的不幸事，並就每個項目提供解決方法，希望能幫助求職者應對這些挑戰，取得更好的面試成績！

（點圖了解更多）

+15

+14

人力資源從業員（HR）平常會為公司處理招募與甄選、訓練與發展、薪酬福利、員工關係、績效評估等工作。雖然HR只是打份工，卻被其他打工仔所討厭，認為他們自視過高、面試期間態度不佳、任何事都以公司利益為先，並不是真心為員工着想等等。

網上媒體Huffpost早前邀請4位HR專家，分析了3大普遍打工仔對HR的誤解，希望讓打工仔能對HR有更深入的了解，從而減少誤會：

（點圖了解更多）

+17

+16

延伸閱讀：【辭職學問】離職原因小心講 講錯隨時被淘汰 9個負面理由要注意

延伸閱讀：【辭職學問】打工仔辭職被公司拖糧4個月 前僱主報復將人工換成9萬枚硬幣

延伸閱讀：【勞工法例】遇無良僱主拖糧點好？Freelance、兼職、全職出糧日有咩分別？

最新專訪片︰

【星級斜槓族】Amber鄧卓殷港大建築碩士畢業 身兼KOL、普拉提導師及老闆娘 三線發展互相緊扣成長

⏩⏩  需要請人？立即刊登招聘廣告！  ⏪⏪