【見工準備】1日面試1次 vs 幾次！同日去多間公司見工都得？網民：試過1日見5份，成日朝9晚7⋯⋯

對於求職，不少人都會抱着漁翁撒網的態度，在短時間內發送多份履歷申請工作。情況理想的話，求職者很快就會收到不同公司的工作面試邀請，假如你是求職者，你會如何安排面試？

有求職者在Threads談及個人的面試習慣，指自己會盡量將面試安排在同一天，對此有網民相當同意，更指：「試1天朝9晚7，共面試了5份工作⋯⋯」

點圖了解更多事主經歷

+15

+14

事主：「一日見成4份工，覺得自己簡直係時間管理大師，有冇人同我一樣鍾意group埋啲interview一日見晒？真係自我介紹到口臭。」

網民回應

A.預唔到時間嘅嘢唔會Group埋，你唔知人哋間公司見你嗰個會唔會遲到，控制到嘅就會一日做晒。

B.好鬼攰喎，每次見完工我都虛脫咁滯，你一日見4份真心勁！

C.其實見多啲工好，知出面個市，又可以練吓講嘢同個膽。

D.試過最黐線嘅interview，可以玩咗我半日之後，我唔敢group埋同一日in。

E.我試過一日見5份，由朝早9點到夜晚7點，最後第二份in嗰間請咗我。我幾鍾意呢種mode 全日就係interview mode唔使轉。

F.一日In晒好好，起碼唔使要玩幾日，但一日要講好多次我嘅前半生。

G.其中一份in你2、3個鐘就GG。

H.玩過交友app你就會覺得見工好舒服。

I.我！最鍾意一嘢見晒佢，然後等電話。

J.但係好多公司都鍾意突然留低我做份written test，突然留低second-in，每次都起碼遲1個鐘先有得走，一次interview前前後後搞成3個鐘。

K.後生嗰時可以，慳返啲時間，又唔使次次執正自己儀容，最好擺返同一區見晒，但而家年紀大咗一日見兩份都好攰，寧願分開見，又唔急住搵。

L.最多一日見3間，咁樣見工法，會好攰。

M.有，之前都試過一日4份，去到後面已經唔知自己做緊咩，勁攰。

N.2份都唔會，好攰……

O.我會盡量就差唔多區嘅同日in，但最多預2至3份，除非真係好近。

P.你係咪有自虐傾向？

有不少網民都表示自己喜歡將面試安排在同一天，全因能夠省卻整理儀容的功夫、交通費用及時間，同時全日進入狀態，應付面試。有網民就提出面試的疑慮，指如假如其中一個面試晚了結束，甚至安排第二輪面試，就很可能會搞亂行程。曾經一天安排多個面試的網民中，有成功的例子，亦有人表示一天內進行多個面試感到疲倦。在安排面試時，各位求職者考慮個人的精神及體力，再作安排，否則就可能無法表現最好的自己。

見工等於包裝自己？

+16

+15

自我介紹3大架構！

+9

+8

延伸閱讀：【見工奇遇記】等面試同其他應徵者傾偈惹麻煩！留聯絡慘遭訊息騷擾？求職者：佢問我有冇掛住佢⋯⋯

延伸閱讀：【見工面試】求職者提出1問題 HR竟然即刻黑面？「你以後去其他公司唔好再問！」

延伸閱讀：【見工面試】被問離職原因回答7個字！被HR提醒「唔可以咁講」？網民竟鼓勵求職者誠實！

延伸閱讀：【見工面試】面試以為對方問你「職涯目標」好易答？你分分鐘中咗陷阱都唔知！

最新專訪片︰
【星級斜槓族】Cloud雲浩影曾做過侍應、補習老師及派傳單 風格多變深受觀眾喜愛 冀能實現演唱會夢

⏩⏩  需要請人？立即刊登招聘廣告！  ⏪⏪