【見工面試】被問離職原因回答7個字！被HR提醒「唔可以咁講」？網民竟鼓勵求職者誠實！

為向人力資源從業員（HR）或部門主管展現最好一面，求職者普遍都會參考面試經典問題作預備。如何「包裝」自己的答案，可謂一門技巧。有求職者在網上討論區Dcard分享個人經歷，指自己被問離職原因時回答7個字，竟被HR提醒「不能這樣說」，然而網民竟然鼓勵求職者誠實作答？

點圖了解更多事主分享：

+12

+11

事主：「今日面試被問離職原因，我婉轉咁話想『想改變職涯方向』，結果畀HR話『面試唔可以咁講』，原因係會令人覺得我做一陣，可能又會想轉吓職涯方向（感覺到佢係善意提醒我），所以我想問離職原因到底應該點答先啱？因為我見嘅位都係助理，感覺講人工又唔太啱？」

網民回應：

A/面對鍾意問呢個問題嘅面試官，我一定會問上手點解會走。

B/我有我自己嘅人生計劃，會離開之前嘅份工，係因為而家嘅我想向「目標工作」嘅方向發展。我想喺「目標工作」嘅範疇入面深造，試下搵出自己更多唔同嘅可能性，同埋希望喺「目標工作」嘅職位上能夠發揮自己嘅長處，貢獻一己之力。我自己會咁講。

C/唔會，我已經決定咗向呢個方向發展（堅定嘅眼神）。

D/鍾意問呢啲問題嘅主管，好大機會係睇重你嘅能力，就係睇你奴性重唔重。

E/如果我心情好嘅話（自己主動應徵，面試官氣場亦友善）：「希望能夠喺待遇上有所突破，爭取更好嘅條件，畀屋企人有一個更好嘅生活環境」；但如果我心情唔好嘅話（對方主動邀請亦唔友善），就會講「轉工係為咗有更好嘅待遇。」

我會建議你講啲冇辦法求證嘅謊言（公司要搬、畀異性追求），即使呢啲情況係真嘅，對方都無辦法追問。

F/我都會老實講，但就會婉轉啲。

G/人本身係會隨住成長而唔斷改變自己嘅觀點同睇法，如果你期望我係一個永遠唔會成長同改變嘅員工，咁唔好意思，我唔適合你哋嘅團隊。

H/呢啲刁難好煩，我返工就係為咗錢，唔係為咗咩？

網民都熱烈地給予事主意見，有人認為HR會問這條問題，是為了確認事主會否因為同樣原因，再次離職。有網民就指這條問題，是為了測試事主是否一個「奴性重」的人。對於應否說出實話，網民都有不一樣的看法，有人建議事主應該說出無法求證的謊言，讓公司難以認證真偽；相反，有人就表示自己會說實話，不過是以婉轉的方式。

求職者最好不要向HR說謊，否則被對方掲發時，就會留下壞印象，甚至會錯失獲得心儀工作的機會。因此，求職者最好以較婉轉的方式，道出自己離職的原因。

打工仔有甚麼常見離職原因？（點圖了解更多）

+21

+20

即睇6大「離職原因」模範答案：

+16

+15

延伸閱讀：【職場英語】7大職場用語你要識！「Chair a meeting」、「Reshuffle」又點解？
延伸閱讀：【職場理財】自覺理財不遂 有可能理財能力比想像中好！5個理財指標 判斷財務健康與否！
延伸閱讀：【職場溝通】到職1周被上司「照肺」 全因1個理由！打工仔：點解要請我？
延伸閱讀：【職場文化】同事學歷低、工作少、年資少 但人工竟然高過自己！

最新專訪片︰

【CEOTalks】肯定員工努力 願意堅持終能獲得成功 譚仔國際行政總裁劉達民：中途放棄的話 永遠未能欣賞山頂的風景

⏩⏩  需要請人？立即刊登招聘廣告！  ⏪⏪