【見工奇遇記】面試冇戴錶被鬧欠時間觀念？HR建議︰早到15分鐘屬正常

2022-09-19

絕大部分職位招聘都會要求求職者進行面試，打工仔都會各出奇謀，用盡渾身解數展現個人才能，以增加獲聘機會。除了個人能力外，面試官或會注意求職者的外觀細節，稍有不慎也有可能影響印象。各人對「理想」一詞有不同解讀，求職者最多只能依照大眾期望準備面試，遇上守舊面試官或只可埋怨運氣不佳吧。

最近，一名求職者到「香港討論區」發文講述面試經歷，懷疑手錶成為了求職沒有回音的導火線，而多名網民則回應指，守舊公司不做也罷。

延伸閱讀：【人力資源】5個不合時宜的HR意見

即睇事主分享與網民回應：（按圖了解）

+13

+12

事主：最近見咗份工，HR都未開始問我啲嘢，只係望咗我一眼就話︰「你睇落係啲冇時間觀念嘅人，錶都唔戴，我哋份工可能唔適合你。」但我明明都冇遲到，仲早咗15分鐘到，點解望一眼就咁覺得？冇戴錶就等於冇時間觀念咩？平時自己都冇戴錶嘅習慣，想知時間咪開手機睇幾點，唔通要知時間一定要戴錶咩？雖然面試開頭唔太順利，但之後佢問嘅嘢，感覺自己都答得好好，但係已經過咗整個星期，都未有回音，份工係唔係凍過水？唔通就係因為冇戴錶而錯失一份工？

網民：樓主當時應該即刻同佢講，一間咁守舊嘅公司都係唔啱我囉！
網民：明顯個HR有問題……
網民：依家個個拎住手機，邊個會戴錶？叫佢傻少陣啦！
網民：你應該話，你平時睇手提電話當錶！
網民：戴錶嘅人一定唔會遲到？
網民：唔戴錶唔代表無時間觀念……
網民：咁嘅工，無必要都唔好做。
網民：如不聘用，不用可惜。
網民：咁搞笑？冇戴錶都係問題？不過見完工唔好諗咁多，繼續搵工見仲實際過等死一份工囉！
網民：Interviewer，不論HR定line manager，接見一個candidate，我就當佢代表間公司見個candidate。佢唔合理，我就當間公司都唔合理㗎喇。唔合理嘅公司、或者價值觀同我唔同嘅公司，請都唔好做啦，費事勞氣。
網民：可能HR專登搵個challenging啲嘅開場白，睇吓面試者嘅反應。冇標準答案，反而應對是否得體，甚至有能力反危為機，帶返話題出去，表現到自己，先最緊要。
網民：這個世界除咗手錶還有陀錶，呢個HR講出嚟還算好，佢佢太相信自己鑽牛角尖嘅判斷。如果真係有人拎隻陀錶出嚟就搞笑，而且你可以話手機就是現代陀錶嘅一種。

意見應與時俱進　HR代表企業形象
科技日益進步，改變了許多人的習慣，甚至淘汰了一些舊有事物。以鐘錶為例，不少人早已棄用手錶，改以智能手提電話查看時間，所以事主發文質疑面試官判斷，認為沒有戴手錶與欠缺時間觀念兩者並沒有必然關係。

眾網民回應指，該面試官的片面意見過時，或反映企業思想守舊，不少人勸告事主「無必要都唔好做」。其中一個留言表示，HR是企業面對求職者的第一扇門，「代表間公司見個candidate（求職者）」，如果HR意見不合理，求職者也會「就當間公司都唔合理㗎喇」。

不過，有人則提及HR有機會只是嘗試以奇怪問題去測試求職者反應，是否合適則有待各位判斷。印象是雙向的，如果企業給予守舊傳統的形象，未必能吸引年輕一代加入。

面試應準備還是早到？HR建議︰15分鐘前到達便足夠
不少求職者在面試當天怕有意外發生，都會提早到達新公司，有人會提早30分鐘，甚至1小時作準備。不過，HR建議求職提早15分鐘到達公司便足夠，因為過於早到有可能影響面試官的行程，或會為對方帶來壓力，反而令他們留下壞印象。

另外，在面試過程中，部分企業會採用壓力面試模式會見求職者，以下是15條常見壓力面試題目，見工前不妨參考一下。（按圖了解）

+13

+12