【裁員潮】公司要求員工揀「被裁」或「自離」 兩要素分析點選擇最着數！

經濟環境挑戰，近期香港正面臨一波嚴重的裁員潮。這波裁員浪潮已經波及多個行業，包括零售、餐飲、旅遊及服務業等。隨着全球經濟放緩及本地消費力疲弱，許多企業面臨營運壓力，不得不透過縮減人手來降低成本，以求在競爭激烈的市場中生存。尤其是疫情後的經濟復甦步伐緩慢，加上通脹壓力和營運成本上升，令不少企業財務狀況雪上加霜，裁員成為無奈之舉。

網民在網上討論群組「裁員炒人消息關注組」上發文指自己已任職15年，偏現成為裁員潮下的「天選之子」。公司給予兩個建議一是「解僱」，二是「自願離職」。據事主所述，HR表示兩者在賠償金額上並沒有太大差距，可是遭解僱則會影響事主前途，將來再難以找工作。苦惱萬分的事主則選擇了「自願離職」，並求助於網友，「兩者其實係咪真係無分別？」。

即睇事主分享及網民回應：（按圖了解）

+23

+22

事主：在這公司做咗15年，公司大概有三十人。今日畀HR叫咗入房，話要裁員而我喺其中一個。

問我想自己辭職定想公司炒我，因為太突然，我當刻只係識問兩者分別係咩？HR話因為長期服務金大部份已經對沖咗MPF，但如果公司炒，我出去搵工就難啲，所以我選擇自己辭職……想問吓其實係咪真係無分別？

網民A：我都係HR，我會建議你選擇裁員！到時同新公司講離職原因係「裁員」，新公司會接受呢個理由。但如果你選擇辭職，那你要解釋辭職理由。公司角度，選擇辭職就最無手尾。如果用裁員，你而家就可以係MPF提取遣散費，但五月一日開始唔可以對沖，咁至少你由五月一日開始的遣散費公司要額外畀你！

網民B：炒！千萬不要自己走，今時經濟被炒好正常，唔係你能力有問題，係經濟問題，好解釋啲！

網民C：炒有代通知金，長期服務金。對沖強積金後應該都仲有！都係炒着數！

網民D：老老實實，今時今日，間間公司都炒人！怕什麼！宜家經濟環境，現金到手最重要！

網民E：炒你會搵工難係呃你！宜家咩年代啊！搵工難關之前畀人炒定自己唔做咩事？當然佢炒你有着數啦！佢要賠返錢畀你！

網民F：如果未真真正正同公司講辭職，快啲改變主意！對沖唔對沖得晒㗎！呢啲咁嘅HR！你有無錄佢音？去勞工處告佢！

網民G：炒啦，起碼有長期服務金！公司要問政府攞錢，自己辭乜都無！

網民H：樓主醒！話自己辭職，但無講幾時！

網民I：裁員係裁員，辭職係辭職，裁員同被炒兩樣嘢。相反，你被裁員出去搵工係易啲，因為要請人嘅HR都知道出面大環境係唔好，你係非自願離職。

網民J：炒你的話，如果你有Double pay，佢要按比例計返畀你！仲有Annual leave 都要按比例計埋畀你！遣散費再加一個月代通知金！

網民K：總之公司HR話無分別即係有分別。佢話選1你選2就一定好啲！宜家環境，公司仲邊會為員工着想！

網民L：當然揀裁！可以拎返MPF當長期服務金先，你仲要做咗15年，賠返14個月既2／3，有筆錢頂住生活又好，用嚟做定期或其他咩都好啦，起碼多筆錢即時可以用！另外搵工咪話畀人裁而且係事實！

網民M：炒你要賠代通知金，雖然MPF對沖但係有得即時攞！

【裁員賠償懶人包】被人炒點計長期服務金及遣散費？裁員/解僱賠償有分別？

+37

+36

面對裁員選擇，「被裁」通常在求職便利性和經濟補償上更具優勢。員工應謹慎評估自身情況，合理行使權利，避免因誤解而損失應有利益。裁員雖然令人焦慮，但只要積極應對，仍能轉危為機，開啟職涯新篇章。保持冷靜和理智，是走出困境、迎接未來的關鍵。

延伸閱讀：【裁員潮】公司即日炒40人！全部都係50歲以上老臣子 苦主崩潰：年過半百已經冇用？

+23

+22

延伸閱讀：【職場自保】裁員潮殺到！HR教路保命3式 令打工仔遠離裁員名單！

延伸閱讀：【裁員潮】 被裁必經公司「逼人自離四招式」？ 網民：自我懷疑就「中圈套」！

►最新【政府/公共機構】職位空缺      

►最新【行政】職位空缺      

►最新【銀行/金融】職位空缺     

►最新【非政府組織/社福】職位空缺

►最新【人力資源】職位空缺

最新專訪片︰

【office豪華旅行團】GT Group超日系辦公室展現年輕活力 仲有Poolside畀員工放水燈！

⏩⏩  需要請人？立即刊登招聘廣告！  ⏪⏪