【行業解密】做法醫需不時處理兇案？網民：除咗讀書叻之外仲好講求抗壓能力！

近日名媛蔡天鳳（Abby Choi）被殺害案件引起社會關注，兇徒更將受害人肢解烹屍，惡行令人神共憤。這單新聞亦令市民好奇法醫的職務，皆因法醫要長期接觸屍體，並進行解剖以尋找死因。在惡劣的情況的下工作，法醫究竟怎樣面對呢？

近日有網民於連登討論區發文，指法醫日常工作需要與屍作伴，更會不時遇到屍體面目全非的情況。能夠長期承受如此高壓的工作環境仍能保持處變不驚的工作態度實在難能可貴，為此對法醫行對工作者深感佩服。

+2

+1

樓主：做法醫日日要對住啲屍體，仲要耐唔耐就發生一單殘忍命案。

樓主：好似最近單人頭湯碎屍案咁，做真係少啲心血都唔得！

樓主：做法醫除咗讀書叻之外，心理抗壓能力都要極高。

樓主：到底各位要收幾多錢先肯做法醫？

即睇網民回覆：

+7

+6

網民：本身讀醫嘅話就算唔洗對屍體都大把錢，所以做法醫真係唔係為咗錢。

網民：上網Search完先知原來法醫同普通衞生署醫生一樣人工，可能做法醫真係為興趣⋯⋯

網民：處理一具完整嘅屍體同一具肢離破碎嘅屍體真係差好遠，到底班法醫要冷靜到咩程度先做到？

網民：都係一個專業嚟啫。有人就係鍾意研究解剖，喺佢哋眼中，啲手手腳腳、內臟器官只不過係身體其中一個部件。

網民：應該同做殯儀差唔多，要夠冷靜乜都唔怕。

網民：其實殮房服務員都好難做，人工低但要幫手／落手解剖。睇過就知佢哋手法幾純熟，開肚反腸、反頭皮開腦、成條脷抽出嚟、開胃攞消化物⋯⋯好多時開完要還原都係佢地做返。

網民：其他工唔敢講，但法醫無興趣嘅話好難想像點做！

網民：陣屍臭味難聞都算，仲要自己個身都會有味。即使Full Gear著防護衣、沖幾多次涼都，想像下放工洗衫要放件有屍體味嘅衫落洗衣機，真係頂唔順！

網民：無興趣點會入咁冷門嘅行業？望得多可以會有陰影、會撞邪、會嘔，無興趣我諗你一秒都唔想留喺嗰度，更加唔好講話解剖。

網民：其實除咗有啲恐怖之外，返工唔洗對住麻煩病人、麻煩上司同事都幾好，可能仲輕鬆。一個人靜靜地做嘢一定唔會醫療失誤被人告被人投訴。

問：如何成為法醫？
答：要成為一名法醫，首先需要在中大及港大的醫學院就讀為期5-6年的醫科課程，然後實習2-3年，再在內科及外科之間作出選擇，最後再修讀2-3年的專科課程。換言之，要成為獨當一面的法醫動輒需要花費8-10年的時間，當中投入的精神和心血更是值得令人敬佩。

問：法醫的日常工作是甚麼？
答：法醫日常會於公眾殮房工作，殮房助理和殮房服務員則會從旁協助。而法醫的職責主要包括：

為政府部門提供專業意見

管理公眾殮房日常運作

協助調查罪案現場

為遺體作死因解剖鑒定

於法庭提供專業意見

問：法醫所需個人特質是甚麼？
答：法醫的工作內容較為特殊，性格樂觀、膽大心細及有同理心的人會較易適應法醫工作。

性格樂觀
法醫的日常工作需要經常面對死亡，長期於這種鬱悶的工作環境工作會慢慢自己磨蝕的心志。個性樂觀的人或能以豁達的態度從容面對，避免讓工作影響自己的個人情緒。

膽大心細
法醫每天需要接觸的遺體多不勝數，而人體組織結構複雜，混淆不同遺體的鑒定報告其實並不出奇。要在陰沉的環境下工作仍然能夠保持專注，為每具遺體進行詳細解剖並撰寫報告正是成為法醫的必經之路。

有同理心
法醫每天除了要接觸遺體，亦要面對逝者的親屬。具備社工特質、保持冷靜理性，才能適當安撫家屬的情緒。

+12

+11

延伸閱讀︰【職場辛酸】盤點5個送貨員辛酸 網民：以為日曬雨淋已經好辛苦⋯⋯

延伸閱讀︰【行業辛酸】老師經常網上呻自己工作好辛苦？五個日常小習慣避免壓力爆煲

延伸閱讀︰【職場辛酸】長任文職致坐骨神經痛 事主：要轉工應該搵咩工好？

延伸閱讀︰【職場辛酸】香港打工仔悲歌？ 樓主：放工後嘅私人時間所剩無幾⋯⋯

最新專訪片︰
【星級斜槓族】TVB綠葉王兼物理治療師林景程專訪 入行歌手夢碎一度想離巢 視周星馳及黃子華為世一偶像

⏩⏩  需要請人？立即刊登招聘廣告！  ⏪⏪