Next
【職場陷阱】阿姐以補假吸引下屬協助做功課 「請槍」可能會犯法？
【職場陷阱】阿姐以補假吸引下屬協助做功課 「請槍」可能會犯法？
2022-04-14
香港產業側重於金融、服務等行業，非商科出身的人比較難覓得一份可以學以致用的工作，最終加入商業大軍。工作了一段時間過後，未必每個人能夠重拾做功課的感覺，但如果上司要你做功課，你又會否答應呢？最近，打工仔向社交媒體專頁「奴工處」投稿，指出其上司正在進修，但竟要求事主協助做功課，更以一天補假作為補償！
延伸閱讀：【職場熱話】打工仔有感：細個想賺錢買game 大個賺到錢先發現冇精神冇時間⋯
即睇事主分享及其他網民回應：（按圖了解）
事主：阿姐喺出面讀course，呢排要交功課，其中有一份assignment佢想我幫佢做，因為佢知我以前讀呢科。佢話會補返一日CL畀我，最後我見份功課唔難，就應承咗。
網民：如果出到嚟好低分，就真係OMG！
網民：我以前都叫過我經理幫我做功課，成績有B，佢仲要唔開心問我點解佢無A……
網民：放題不妨食過份，出貓切忌太高分。
網民：真係識至好喎！有咩差錯就GG了……
網民：小心之後陸續有來。
網民：之後你CL當日就係幫佢趕功課。
網民：係我就做多幾份，一份一日假！
網民：幾好喎，我都想搵人幫手做assignment……
網民：問嗰個癲，答嗰個仲癲！
網民：你有佢把柄，以後可以威脅佢！
網民：你阿姐用公司資源做自己事，主謀同幫兇炒得。
網民：去你老細面前篤佢灰，話唔定你即刻會坐咗佢個位。
網民：阿姐咁樣算唔算盜用公司財產？CL係公司出錢，得益係阿姐，而post主亦上身……
網民：你的功力只值一日CL？
網民：份功課先值得一日，除非你同我講拎十萬八萬一個月，否則你係做緊爛市。
網民：份功課有無特別要求先，如果指明要呢要路，又話攞唔到幾多分唔得，仲有是否工作時間做先？如果要返屋企做，咁CL又好似無乜着數喎。
網民：但是你們有無諗過佢唔應承，之後佢會點過呀？
小心誤墮法網 「請槍」後果嚴重
眾多網民對上司「請槍」一事感到啞口無言，但對事主提供協助之事反應兩極。有網民認為一份功課可換取一天補假頗吸引，做多數份可獲取多天假期，但同時另一班網民則指相關行為並不可取，除了成績差劣或會令事主遭遇秋後算帳，更重要的是，相關行為或會干犯欺詐罪 。
根據《盜竊罪條例》（香港法例第210章）第16A條，「如任何人藉作任何欺騙（不論所作欺騙是否唯一或主要誘因）並意圖詐騙而誘使另一人作出任何作為或有任何不作為，而導致該另一人以外的任何人獲得利益；該進行誘使的人以外的任何人蒙受不利或有相當程度的可能性會蒙受不利，則該進行誘使的人即屬犯欺詐罪」。
此外，各所大學及專上學員皆有管理學術行為的規例，包括禁止抄襲、代做功課等行為。若相關行為被學校發現，嚴重者或可能會被開除學籍。因此，切勿以身試法，功課是要自己做的。
（上述部分並非法律文件。有關法例條文的詮釋，仍以法例原文為準。若遇上類似事件時，應尋求法律專家之意見。）
半工讀需要頗大勇氣，還有佔據很多空閒時間，所以決定進修前記緊要注意以下4大要點：（按圖了解）
延伸閱讀：【職場貼士】成功人士起身第一件事做甚麼？盤點8個企業家的晨間習慣
延伸閱讀：【職場熱話】盤點返工壓力大程度 生濕疹失眠 打工仔試過坐喺位爆喊
延伸閱讀：【人物專訪】中學校長曾當泥水學徒 招祥麒校長靠半工讀5個學位
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!