Next
【職場辛酸】返Part-time畀人鬧到喊 網民：人工咁低仲使乜忍？
【職場辛酸】返Part-time畀人鬧到喊 網民：人工咁低仲使乜忍？
2023-01-03
Part-time工作吃力不討好，經常都會有員工抱怨薪酬太低、工作量太高，或是勞資雙方關係惡劣的情況。最近就有事主於網上討論區發文，指自己擔任兼職店務員數月，但一同看守店舖的嚴格老闆會不時出言攻擊工作上出錯的事主，令事主難抵壓力黯然落淚⋯⋯
即睇事主經歷：
事主：返緊份工係普通店務員嚟，都返咗幾個月。
事主：因為係細舖得我同老闆兩個人，佢份人平時無咩嘢，但有時都會捉得我好嚴。
事主：我都盡咗力做，第二日要返分店嘅話我都會拎貨返去。
事主：但佢鬧人都幾難聽，接近發你晦氣覺得你唔掂。我之前都忍到，因為佢平日對我真係唔算差⋯⋯
事主：點知有日下晝做漏咗樣嘢搞到個熟客，佢嬲到係咁鬧我、發曬我晦氣！
事主：嗰陣真係被佢鬧到喊，但我都係收收埋埋⋯⋯
事主：我都好嬲自己點解會做錯。但就快收工嘅時候佢突然又攞出嚟講多次，仲攞以前我教其他同事做嘢嘅方法嚟串我。
事主：當時佢仲話我個方法好，依家就話我自己做到咁仲好意思教人⋯⋯
事主：嗰陣我真係又忍唔到想喊，唔知點解又要攞返出嚟講。
事主：人工都係$50一個鐘，我仲好心收工攞貨返去，結果被人鬧到成隻狗咁⋯⋯
即睇網民回覆：
網民：人工得嗰$50一個鐘，做得唔開心就辭職啦！
網民：你自問$50入面畀老闆鬧佔幾多，實際人工佔幾多？
網民：細舖一間，辭職翹起佢睇下邊個傷啲？Part-time啫，Take it easy啦。
網民：正常做錯嘢實會畀人鬧，但畀人鬧就Quit嘅話好易做壞手勢。你都話嬲自己做錯，如果係你接受唔到老闆鬧人嘅程度你都係早Quit早著啦。
網民：唔使上心，$50個鐘嘅店務員又唔係咩工，鬧咪鬧，面皮夠厚有錢袋就得。不過你真係頂唔順就Quit啦。
網民：返呢啲工預咗畀老闆鬧㗎啦。呢個世界唔係真係職業無分貴賤，做得唔開心真係要Quit。反正呢啲工周街都係，我反而覺得你應該要自我增值，搵返啲自己有價值嘅工嚟做。
網民：如果頂到可以捱過新年就捱埋佢，因為如果你舖頭啲熟客年紀大嘅話，分分鐘新年嗰段時間啲利是都幾禾味！
網民：我做錯嘢畀人鬧，會覺得就咁辭職好似認輸，唔知你會唔會都係咁心態。
網民：尊重人係做人最基本嘅品格。好嘅公司會容許你犯錯，慢慢將你培育成材，人工又高，老闆對員工好似朋友咁，員工亦甘心為公司賣命。
網民：出到嚟社會係咁，好多人刻意將啲小事無限放大鬧到你一文不值，刻意落人面破壞人自信心係佢哋最大減壓方法，唯有鍛鍊自己唔好玻璃心，盡力做好本份就夠。
網民建議Let it go
帖文一出，大部分網民都認為樓主不應對這種芝麻綠豆的事情耿耿於懷：「$50一個鐘嘅工做得唔開心就Quit啦！」、「鬧咪鬧，面皮夠厚有錢袋就得。」。雖然近年香港經濟低迷、失業率上升，但兼職店務員的職位空缺並不難尋，相信事主這段不愉快經歷並不會對日後的工作造成太大影響。
返工唔係做奴隸，保障自己要精明。按圖即學4招避免被無良僱主拖糧。
東家唔打打西家，立即了解其他轉工須知！
延伸閱讀：【職場貼士】Fresh Grad想學多啲嘢？教你4個免費增值自己的方法
延伸閱讀：【職場熱話】打工仔連續12份工都唔過試用期 網民分析：工作態度出事
延伸閱讀：【中層之苦】年輕人工作態度差？打工仔訓斥下屬卻被老闆鬧
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!