【職場辛酸】生活模式似倒模 樓主:無必要都唔想出街

【職場辛酸】生活模式似倒模 樓主:無必要都唔想出街

香港地,不但工作壓力大、人工升幅低,而且工時長,打工仔為求生存,隨時要做好「一生一世為錢幣做奴隸」的準備。據Instant Offices於6月的一項新研究顯示,香港的每周工時為每星期41小時,在亞太區排名第三高,可見香港打工仔的時間捉襟見肘。近日就有網民在網上討論區分享了自己每日的工作流程,慨歎自己的生活枯燥無味,恍如現實世界中的一位NPC(非玩家角色)。

按圖即睇事主感受:
事主:返工、放工、返屋企、食飯、煲劇打機、瞓覺。第二日就loop返上面,每日如是。
事主:放假就無必要都唔會出街,除非有嘢買。多數留係屋企補吓眠、做吓家務、Hea吓。
事主:幾乎零戶外活動、零社交,莫講話拍拖⋯⋯
事主:所謂「朋友」其實都係可有可無。完全唔見都無所謂,見面仲尷尬。
事主︰自己又無咩生活上嘅經歷或者趣事分享畀人。如果人哋係social友,對比之下顯得自己更加無知;如果人哋同自己一樣摺,盞鬥Dead Air。 事主:其實社會上呢類人係佔大多數定小數?到底正唔正常?

即睇網民回覆:

網民:同感,最多間唔中約朋友出嚟聚下,如果唔係放假都係留喺屋企多。
網民:年紀越大就越少出街,返完工攰到邊度都唔想去。
網民:係社會搞到我哋變成咁,超長工時,麻煩嘅人事關係。
網民:好多都係咁,尤其係做服務業。每日要提早個幾鐘搭車返工,返到屋企已經夜一夜,已經無精力打機煲劇,瞓醒又無限loop。
網民:咁樣做人同幫公司做奴隸有乜分別?
網民:一出嚟做嘢已經係咁。
網民:建議樓主趁尚有精力見識多啲自己住嘅地方。平有平玩,貴有貴玩,得閒去吓行山都係一種培養本土情懷嘅活動,又唔使錢。
網民:以前係,但戒咗打機搵咗啲嘢學就覺得好充實。
網民:咁嘅人生有咩意義?
網民:人人對舒服生活定義都唔同,做毒L又好,做交際花又好,你覺得舒服咪得囉。最慘嘅生活係你明明係毒L但逼自己做交際花又唔開心。

 

雖然大部分網民留言中都對事主經歷表示感同身受及同情,但就並非一致認同事主對現況所採取的消極態度。有心的網民就認為事主應該「把握時間,掌握方向」,嘗試多做運動,發掘興趣,才能走出消極的陰霾。

想睇世界盃,但驚第二朝唔知醒?良心企業增設射波假兼攞正牌遲到。(按圖了解)
【卡塔爾世界盃】虛擬銀行ZA Bank貼心員工福利 增設一天射波假兼攞正牌遲到

延伸閱讀:【季前賽熱潮】與籃球結緣21年 未受欠薪風波影響 35歲前港籃代表隊成員司徒偉傑:會繼續打落去

延伸閱讀:【人力資源】5個避免躺平文化(Quiet Quitting)的方法

延伸閱讀:【心理測驗】一張圖測試你適合做咩類型工作!專業人士?老闆?打工仔?

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Related Articles

  • 【職場貼士】職場中邊種上司較受打工仔歡迎?

  • 【職場風波】從C朗解約曼聯事件 分析如何處理職場人際關係

  • 【卡塔爾世界盃】沙特阿拉伯慶祝反勝阿根廷 全國放假一天!一文了解當地職場文化

  • 【人力資源】被公司安靜解僱(Quiet Firing)點算好?即睇10個解決方法!

  • 【人力資源】懂得賞識員工好重要?近5成人因為未獲公司認可辭職

  • 【人力資源】員工唔肯信HR?3個方法重新建立信任感

  • 【職場文化】港日韓工作文化大不同 哪個地區工作環境更嚴苛?

  • 【職場文化】見到成班同事返工上網唔做嘢

  • 【員工福利】5個2023年全球公司實行的最潮、特別福利!為員工寵物買保險?

  • 【企業管理】5大超時工作對企業的負面影響

Jobs You Maybe Interested In

刊登招聘廣告
;