Next
【職場熱話】HR遭求職者問點解要寫expected salary 網民：貨不對辦點算？
【職場熱話】HR遭求職者問點解要寫expected salary 網民：貨不對辦點算？
2022-07-14
不少招聘廣告指示求職者要在履歷表或求職者上添加期望薪酬（expected salary），以便企業考量人力成本，從而挑選優質而經濟的人才。求職者常因而感困擾，怕自貶身價或開價太高損失面試機會，這個數字絕不容易寫出來。
最近，社交媒體專業「奴工處」接獲某HR人員投稿，表示追問求職者期望薪酬遭拒絕，而該求職者的原因竟獲眾人讚好，究竟何解呢？
即睇發文者分享及網民回應：（按圖了解）
事主：有次約咗個candidate上嚟見工，約好時間之後發現唔記得問佢expected salary（明明寫住要state expected salary，但都係有堆人唔寫）。我就打返去再問，點知佢答我：「我要上嚟見完，睇睇你哋公司個職位係做咩同埋個package先知開幾錢。」我即刻黑人問號，最尾老細見完話，佢好proud of自己做過startup founder，同埋住喺隔籬街好想返呢份工，因為好近，我真係笑咗出嚟。
網民：寫咗咪畀位你壓價。
網民：正常吖，佢無錯喎！
網民：有咩問題？都未知做乜咁點出價？你會唔會買嘢都唔知件貨係乜就出到價？
網民：無錯喎！我呢排見工，成日都有啲工個job title同佢哋做嘅嘢完全唔同。
網民：係囉，唔通晚晚OT，一個人頂幾個人嘅嘢，我又開返朝九晚五價你咩？
網民：即時諗起好多人話見文員，又問識唔識剪片又問識唔識整網頁。
網民：根據經驗、職位名，同要負責做咩嘢，其實可以差距好大。
網民：僱主請人唔直接寫明出幾錢人工仲好笑啦！其實想人寫expected salary低過自己本身就可以出嗰個。
網民：大家都係一買一賣，資訊透明公道啲喎，工揀人，人揀工啫。
網民：好啱啊！無錯，個求職者仲好醒！
網民：個HR諗嘢係好鬼奇怪，唔知以為間公司有佢哋份。
網民：其實樓主可能係曲線幫我哋呢啲打工仔討回公道，等我哋留言可以一致贊成個Candidate冇錯。
網民：7日同12日AL，有冇醫療保險，成件事都唔同啦。
網民：其實佢無錯，兩個答案都正路。
求職者易處下風 網民：常有職位貨不對辦
投稿一出，幾乎沒有人同情該名HR人員，反指求職者意見有理，可見HR圍爐失敗。多名網民表示，現時許多招聘廣告描述與事實不符，常有企業要求員工負責與職銜無關的工作內容，例如普通文員要懂得剪片、整網頁等。
普遍人認為，資訊不對等（information asymmetry）是求職者於薪酬討論期間處下風的主因，皆因招聘廣告篇幅有限，而僱主熟知職位工作內容。不少留言指摘，要求於面試前提供期望薪酬旨在壓價，對求職者不公平。
絕大部分網民提及，期望薪酬受多個因素影響，包括工作內容、加班情況、假期政策、員工福利等。有網民以購物作比喻，反問：買嘢「唔知件貨係乜，點出到價？」
求職騙案近期有上升趨勢，求職者記緊面試7不3要原則以保障自己！（按圖了解）
求職面試要表現自己，但不應誇大其辭！根據Checkster於2021年的調查，究竟求職者最鍾意講邊8種大話？（按圖了解）
延伸閱讀：【見工面試】面試過程順利最後衰在一個動作 網民抱不平：面試官無禮貌！
Look out for further updates on our Facebook fan page!
Follow CTgoodjobs for the latest career news, hot topics and recommended jobs!