Next
【職場熱話】點樣用$4500過一個月？網民爆發小宇宙：三餐都食麵包、行路返工
【職場熱話】點樣用$4500過一個月？網民爆發小宇宙：三餐都食麵包、行路返工
2023-10-17
在香港這個物價高企的城市中，生活的真實挑戰讓人不禁深思。想像一下，如果每個月只有4500元可支配，我們將面臨怎樣的生活困境？三餐都得依賴簡單的麵包，每天的通勤都得步行長途，這些只是冰山一角。買不起高昂的房租、支付不起醫療費用、無法享受文化娛樂活動......這些種種的困難將使我們每個月的生活成為一場艱辛的挑戰……
延伸閱讀：【職場熱話】打工仔呻好憎team building活動 仲要辦公時間外去！
有網民在香港討論區上以「如何用4500蚊捱過一個月?」為題分享，指自己財政困難，真的不知道應該怎樣靠$4500捱過一個月。然而，網民們集思廣益，提議了很多的方法！不知道大家又有沒有特別的心得呢？更有網民就「衣、食、住、行」各方面提出了「香港絕地求生指南」！
即睇事主分享及網民回應：（按圖了解）
事主：「財困，$4500有冇可能用一個月？只養活自己就OK，手機費、上網錢要自己交、搭車……呢度已經冇一千，實際得$3500一個月，點捱到月底出糧？」
網民：「一日月一百元？兩餸飯一日分兩餐？有啲檔冇限加飯。」
網民：「兩餐都係麥皮，一餐就普通飯。我試過一個月咁樣食，半年瘦10磅，後生係沒問題的！當茶餐廳$50，一個月都係$1500。麥皮去買大大罐的，但到35歲後就有問題，會餓醒瞓唔到，變咗很難再減到肥。」
網民：「我一日一百蚊就夠用（未計交租水電）」
網民：「街市麵包舖臨收工前好平！買三餐麵包都唔使廿蚊，或者廿蚊三份青菜加公仔麵，食足兩日。」
網民：「三餐都食麵包，其中一餐可食老麥特價餐。月尾仲有錢剩先食個茶餐廳下午茶。」
網民：「買餸煮飯啦！」
網民：「一日只食兩餐，麵包或即食麵。」
網民：「搵多份工喇！只有返工先可以冇時間使錢，仲有錢袋！」
網民：「行路返工放工，已經慳好多！生命面包一星期，加水會飽啲，運動場有水有涼沖。」
網民：「$4500一個月點生存到呀，唔通餐餐食白粥，一套衫褲着足一個月唔洗，日日去麥當勞嘆冷氣，飲佢哋免費咖啡，用佢哋免費wifi，想沖涼就去體育館沖涼，乜都用免費嘢！」
網民：「我每天都係一盒雙餸飯$40，公司食一半、夜晚放工回家食埋另一半、分兩餐食星期日放假食豪啲。一早起身去茶記食個A餐$42，夜晚一個公仔麵。瞓覺其實唔好覺得自己好慘、習慣嘅啫⋯⋯睇吓咁様幫唔幫到你？」
網民：「有得痴住痴水電用，就冇問題。一日三十蚊車費，早餐一個包，中午豪啲食個五十蚊飯，夜晚一係痴食丶一係自煮白飯煎蛋。大概百一蚊一日。主要睇捱幾耐。」
網民：「$3500除返開$110/日。算你交通$20剩$90、$35兩餸$70剩$20、早晨睇定便利店超市屋仔飲品$12/3、買包家庭裝包$18至$20食四五日、間中食平啲碗麵、蒸飯、街市燒味飯、叮叮食品，拉上補下可以食下茶記午餐！仲有假期早餐當午餐食，下午茶當晚飯食，超市臨收工減價熟食，呢啲自己發揮啦！」
網民：「夜晚去執麵包店、超市啲到期貨；M記、KFC堂食大把二手薯條任嘆。計吓計吓，慳咗好多飯錢。」
網民：「我早上在家食早餐，成本$14，下午食餅乾$9，晚上食三餸飯$30，加埋返工回車費$50，每日使$103，30日$3300，仲有$1200應急，返5日嘅話就$2500，仲有$2000餘下，星期六日可以食好啲！」
香港絕地求生指南
網民們都提到了各種應對策略，例如依賴廉價的麵包、食物優惠和即將過期的貨品，以及縮減交通費用、自行烹煮飯菜等。他們也分享了自己的經驗，包括調整生活習慣以適應節約生活、尋找免費的設施和優惠活動，以減輕負擔。儘管生活的艱辛和犧牲，但這些網民還是保持着樂觀的態度，並鼓勵彼此相互支持和尋找應對之道。
衣
- 公厠有水喉（洗頭可以）
- 沙灘有沖涼（呢個由頭洗到落腳，洗幾個鐘都冇人理你）
- 游泳池，體育館有涼沖（游水要畀入場費，體育館外面會有阿姐）
- 貨倉有涼沖，有制服
- 沖涼時先埋衫（呢招成龍叔叔教嘅）
- 皂液，洗頭水（$10一個月，自備啦）
食
- 點心先生6個饅頭$12（食得多幾厭）
- 百佳七星包（好平，夠頂一日，但食得多幾厭）
- 街市有$20飯（夠當兩餐食）
- 二手飯（要睇個人自尊值幾多）
- OK/St.Honore隔籬垃圾房，晚上會掉賣唔去嘅麵包，過期食物
- 石油氣一罐$150夠用半年（真係好平，有大中細，要畀按金）
- 火水仲平（可淘寶露營用火水爐，$50）
- 可以煮麵食，即食麵好平，759有十二包賣，7-11有熱水（冬天食熱嘢先過到夜）
住
- 瞓車（爛車成本$0）
- 瞓營幕（營幕$250一個）
- 去大學屈蛇，瞓學生會
- M記24hr （係人都識答）
- 去倉做看更，申請晚上瞓倉（好多人唔知）
- 做貓頭鷹，日瞓有冷氣地鐵站，夜晚出動（夏天真係唔難捱，冬天先大鑊）
- 凳瞓仲有：機場、酒店LOBBY、酒店厠所、OPEN OFFICE、自修室、圖書館、商場
- 上山塔鐵皮屋（好熱，不過都有好多人做）
- 舊汽車電池可推大風扇、電話充電、燈（電池可到某商場殘厠充電）
- 商場、大家樂、M記有免費WIFI
- 4G儲值咭$30半年
行
- 單車（泊車零成本，鎖係街都冇人理）
- 老人八達通 $2 一程（要60歲）
- 上巴士左搵右搵之後話冇帶銀包，下個站落車（呢招幾好用）
然而，需要注意的是，這些建議並不一定適用於所有人，並且可能存在風險或合法問題。例如，瞓在車上可能會涉及安全問題，瞓在公共場所可能違反相應的規定。同時，食用過期食物也可能對健康構成風險。
因此，這份指南只能作為參考，每個人在面對困境時需要自行衡量可行性和風險。在處境困難時，建議尋求社會福利機構、非政府組織或其他相關資源的協助，以獲得更全面的支持和解決方案。
延伸閱讀：【職場熱話】打工仔呻好憎team building活動 仲要辦公時間外去！
延伸閱讀：【扮工有法】打工仔朝9晚7安份守己 同事返12放9就叫勤力？！
延伸閱讀：【職場升職】上司借升職機會為由要你賣命？網民：明顯係一個騙局
延伸閱讀：【員工福利】網民盤點公司福利 「準時收工唔使OT已經好夠」
最新專訪片︰
【星級斜槓族】網絡女神Hazel林熙彤 甜美外表下藏着老靈魂 辦攝影展留住記憶中的九龍城
Look out for further updates on our Facebook fan page!
Follow CTgoodjobs for the latest career news, hot topics and recommended jobs!