Discovery Feed is launched!
【職場熱話】老細質問員工點解咁忙都可以準時收工？網民：準時走有罪？
CTgoodjobs' Editor
很多老細都希望員工是工作機器，如果可以24/7不停工作就最好，只可惜員工是人類，需要休息、需要放工，並不可能無時無刻都工作。不過，有很多老細卻仍然不明白這樣簡單的道理，總是希望員工加班、看到員工忙碌才是合理的畫面，更產生了很多錯誤的思想，就如認為員工準時放工就是有罪似的……
延伸閱讀：【勞工法例】辭咗職仲有冇得拎Bonus？僱傭合約細則咁樣講！
有網民在社交平台專頁「奴工處」上投稿分享極品老細的無理要求，道：「老細日日都問我哋：『點解你哋成日話好忙好多嘢做，但又可以準時收工？』幾時準時收工就代表返工時唔忙？係罪嚟？」言語間都感受到事主的不忿，相信很多打工仔都有此同感，甚至懷疑事主的上司是否就正是自己的上司……
即睇網民回應：（按圖了解）
網民：「香港嘅公司覺得轉工、準時收工係錯，免費幫公司加班係應份。」
網民：「日頭唔忙咪會OT囉。」
網民：「如果成日都好忙，成日都準時唔到收工，代表老細你要請多個人。」
網民：「老細，腦細，諗嘢就係咁簡單。」
網民：「老闆成日覺得我哋呢個位好得閒冇嘢做，成日借啲意喺我哋面前做埋清潔，執枱面執櫃啲嘢，自high地係咁話呢啲嘢應該係我哋做，佢直頭想成間公司啲嘢都係我哋做，彩佢都傻！」
網民：「就係好多嘢做，為咗要準時收工所以要趕住咁做，所以好忙！」
網民：「做嘢有效率都係一種罪。」
網民：「因為夠鐘做唔晒都會放低，聽日繼續做。」
網民：「 咁點解咁忙咁多嘢做都係出合約份糧嘅？又點解出合約份糧，唔可以跟返合約上面嘅工時嘅？點解嘅？點解嘅？」
網民：「我會畀job list 佢睇我daily 做咗幾多嘢，唔使答咁多。」
網民：「係咪有得唔忙又準時收工先？」
網民：「老細想要嘅，永遠係你要將公司嘢當自己生意咁，24小時都為公司增值，低階嘢要做齊無出錯，中階嘢要管理增效率，高階嘢幫到手搵生意賺錢，但你有齊以上特質嘅時候，好心你啦，加人工成日講錢咁市儈，我畀個機會你學嘢增值，咁有挑戰性嘅工，你要感恩，講錢就失感情啦。」
網民：「老細，你夠年年都話蝕錢啦，咁你又唔執咗佢？」
設身處地
老闆和員工的視野一定有分別，不過兩者其實都應該設身處地體諒彼此的決定。員工有時只集中在眼前自己所能處理到的事情，不明白老闆的決策，員工可以試着放遠目光，想一想自己如果在高位，自己會如何安排員工的工作，這樣可能就能夠明白老闆多一點；
而老闆更加要了解員工的心態，有時站得太高，就忙了前線員工所面對的問題，要了解前線員工的運作模式和所擔心的問題，才可以制定更加完善的政策。最緊要記住，員工都是人，需要休息的時間，別只要求大家無時無刻不停地工作，這樣的無理要求，只會減低員工的生產效率！
延伸閱讀：【勞工法例】辭咗職仲有冇得拎Bonus？僱傭合約細則咁樣講！
延伸閱讀：【職場熱話】求職者係曾欺凌過自己嘅同學 你會選擇面試奚落佢定唔見佢？
延伸閱讀：【職場熱話】同事喺公司pantry刷牙 會唔會有啲不雅？
CTgoodjobs is Hong Kong’s leading recruitment platform. Our editors brings you the latest salary trends, interview tips, and professional courses. We provide comprehensive career insights to help you navigate career transitions, break through bottlenecks, and stay ahead in the workplace!
Explore Job
Follow CTgoodjobs for the latest career news, hot topics and recommended jobs!