Next
【職場文化】接唔接受到工作環境冇同年齡同事？仲要全部大你十年以上…
【職場文化】接唔接受到工作環境冇同年齡同事？仲要全部大你十年以上…
2023-05-18
在職場中，工作環境和同事的年齡結構都是一個重要的考慮因素。有些人喜歡和年紀相近的同事共事，覺得這樣更容易相處和溝通；而有些人則喜歡和年齡成熟的同事一起工作，因為他們對職場的經驗和知識更豐富，不知道大家會怎樣選擇？
延伸閱讀：【職場熱話】面試被HR奚落 點知部門大佬幫自己出頭！炮轟HR兼趕佢出房！
有網民在討論區Dcard上以「接唔接受到工作環境冇同年齡同事？全部大你十年以上」為題發文，做了一個非正式的小統計，了解普遍打工仔喜歡那一種職場，結果竟然是大部分網民都選擇……
即睇網民討論：（按圖了解）
網民：「其實跟大嘅先好！佢哋通常上晒岸，與世無爭，反而會肯教你多啲嘢同人生經驗。同年紀記成日都爭餐懵，背後畀人捅一刀都未必知。」
網民：「其實都係人夾人，同年唔一定傾到偈，大過你都可以好friend。不過返工都係睇人工最實際，好pay自然接受到。」
網民：「我返intern，呢度全部都係，反而佢哋覺得我細路女好照顧我，唔會有oldseafood，溝通都正常，不過有時講啲潮啲嘅嘢，佢哋唔明。」
網民：「有咩問題？我身邊平時做開嘢嘅都係爸爸媽媽級，有一個真係做到我爸爸嘅年紀，就算冇小朋友嘅都係大10年以上，返工又唔係識朋友，有咩所謂？」
網民：「之前返份FT，同事全部已經有小朋友，其中一個個仔同我一樣19歲，反而好好傾，咩都傾一餐，又可以聽吓生咗小朋友有咩煩惱。」
網民：「試過冇後生同事vs有後生，感覺係會悶啲，大家差不多年紀、啱傾啲，又會約出嚟玩。」
網民：「返工啫，接唔接受到都要返，所以無所謂。反而開始有啲唔慣有細過自己好多（五年以上）嘅同事。」
網民：「我FG份工就係咁，然後畀成班三十幾歲嘅女人無故玩排擠，我學到原來就算大學grad埋2字尾3字頭，有堆人都同小學雞冇分別。」
網民：「真係睇人，有問題嘅人咩年齡層都有。」
網民：「大啲先好，會教嘢為人處事。多數有家庭絕對唔OT，走得超快，呢啲精神值得學習。我份工反而係同齡的，好多為搏表現OT唔走同埋勾心鬥角。」
網民：「有合理或者好多錢就得喇，我理得啲同事點樣，咪搞到我就可以了！同事又唔係朋友，更加唔會係另一半，痛心疾首嘅道理，淨係講公事或者工作或進修嘅嘢就算，閒話家常不必了。」
竟然很多網民覺得年長的同事才是共事的好夥伴，有些網民提出，年紀相若的同事的確有機會比較興志相投，但競爭的心態亦會比較激烈，相反，年長同事可能已經有自己的家庭，事業心不會太過激進，反而願意傾囊相授。不過都有些網民覺得年紀相若還是年長同事都沒有所謂，因為「人夾人緣」，有人更覺得「有問題嘅人咩年齡層都有」，加上他們認為同事不是朋友，所以其實都沒有太大所謂，反正這些環境都不由得自己控制，就隨遇而安好了，大家覺得呢？你會是哪一派？
無論您是哪一派，這些討論都反映出在職場中選擇同事是一個很個人化的決策，取決於你的職業目標、性格、價值觀和興趣。重要的是，你應該學會適應不同的職場環境和同事，並且掌握與人相處的技巧和方法。無論你的同事年齡如何，都要尊重他們的觀點和價值，並與他們建立良好的工作關係！
延伸閱讀：【職場熱話】面試被HR奚落 點知部門大佬幫自己出頭！炮轟HR兼趕佢出房！
延伸閱讀：【見工面試】聰明人唔會喺面試犯嘅8個錯誤！冇眼神交流、過份熱情⋯
延伸閱讀：【香港人在外國】移民澳洲打工仔自願OT 竟畀上司話！網民：唔好將奴性帶去外國！
延伸閱讀：【辭職學問】00後用WhatsApp講辭職被指「0尊」！辭職信要點遞先正確？
延伸閱讀：【職場技能】同事連word都唔識用 仲走去問IT同事！IT：佢問點解word開唔到PDF…
最新專訪片︰
【星級斜槓族】Grace陳凱琳享受「媽的多重身分」 惟暫無意再拍劇 自認慈母 老公鄭嘉穎卻有微言？！
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!