【職場熱話】知悉同事用果汁虛報陽性呃假期　網民：你有證據咪篤灰囉！

第五波疫情至今已有兩個多月，現時每日確診數字動輒過萬，早已令醫療系統不勝負荷，政府檢測量已不能滿足染疫人士的需求。政府於2月下旬宣布承認快速測試結果，更於3月7日推出快速測試申報平台，市民可透過自我檢測查看自己是否對新冠病毒出現陽性反應。不過，快速測試成效成疑，最近有打工仔在「香港討論區」發文，指控其同事以果汁製造虛假陽性，並因此而獲得多天病假，深感不忿。

延伸閱讀：【新冠肺炎】打工仔檢測呈陽性　公司應如何處理打工仔確診個案？

即睇事主分享及網民回應：（按圖了解）

+16

+15

事主：而家公司話，如果快速測試陽性可以放一日病假，然後連續7日陰性先可以返工。
事主：有個同事知道咗呢個漏洞，佢自爆用咗啲果汁整咗個假陽性出嚟，仲要放上網。
事主：不過佢放咗幾分鐘就delete咗，咁啱畀我睇到。
事主：我先知原來佢嗰日請病假唔係真確診，而係假扮出嚟，真係好賤格，好想告發佢，但可惜無截圖。

網民：有證據咪篤灰，病假有全薪？
網民：你照同上頭講，遲啲上頭玩死佢！
網民：你咁叻一睇就知道用橙汁？你係咪睇完大台某節目就認為係橙汁？
網民：明知係唔啱，正常人唔會自爆，佢專登擺上嚟睇吓你哋邊個係二五仔會出賣同事，原來你就係呢啲人囉！
網民：你想做佢就直接同老闆講呀嘛！有無cap圖真係咁緊要？你老闆信你咪得囉！其實應該係你唔妥佢好耐，但自己又淆底，一有位就想入……
網民：要報衞生署截圖先承認嘛，咁簡單一張相就認確診？
網民：你咪叫佢去做PCR測試，呢樣無得呃。
網民：你同事有幾賤？如果你同事真係中咗而又扮陰性照返工惹大家咪仲賤！
網民：呢個時勢，就算假陽性、扮陽性都沒問題，根本全世界都要居家隔離，萬一出街令自己染疫，你連累自己，都連累埋屋企人。
網民：而家好多香港人都等緊陽性呢個機會啦！
網民：而家政府做唔切社區檢測，就話承認快速測試都當確診，你就預咗一定有人搏懵！
網民：有時做人唔好唔信邪，你呢頭報假陽性，轉頭過兩日就真係有機會中，報假案某程度等同自己咒自己。
網民：我公司都有呢種極度懶惰、想自己確診而唔返工嘅賤人。
網民：我有個下屬呃我話感染，佢以後唔會有人工加。
網民：要證實係咪真陽好簡單，員工用live直播一次快測，15分鐘後便知龍與鳳。

果汁造假陽性早成熱話　網民：非常時期沒辦法

早於去年年中，英國已掀起果汁造假陽性的熱烈討論。根據BBC報道，當時英國中學要求學生每周要一至兩次新冠病毒快速抗原檢測，但部分學生卻在社交平台分享以果汁造假得到「陽性」檢測結果，好讓自己不須上學。這件事在網絡世界造成了熱烈討論。今時今日，香港檢測量不足而要承認快速測試，有網民直言出現類似情況是不能避免，「預咗一定有人搏懵」。

一些網民指出，非常時期仍要求員工每天返回辦公室上班本來已經是奇怪事，若要堵截這些漏洞是庸人自擾。另有人提出一個情境指，如果有個員工「傳送一張陽性圖」，而老闆要求當場檢測，該老闆應該「要有個心理準備去一齊中招」，因為該員工從進入公司一刻開始，「就會有更多人可能要一同檢測的風險」。不少人認同員工在辦公室當場檢測是近乎沒有可能。

不過，另有人提及造成此亂象的成因是抗疫政策存在漏洞，希望相關問題可以盡早處理。至於事主的事件，眾多網民認為，如果手上沒有任何證據，向上司報告只會樹立敵人，吃力不討好。

【新冠肺炎】快速測試結果準唔準？檢測前千萬不能做的5件事

+8

+7

延伸閱讀：【Omicron】同事中招 老闆仍要求返工 網民：返少一日會執笠？
延伸閱讀：【職場熱話】老闆思想守舊唔畀WFH 打工仔大感憤怒︰佢應該想與病毒共存
延伸閱讀：【自行申報確診】員工快速測試呈陽性點呈報？一文睇清申報方法及注意守則

⏩⏩  需要請人？立即刊登招聘廣告！  ⏪⏪