【職場熱話】疑不慎撞玻璃門致損失獲聘機會? 網民:點會請唔得醒目嘅人
求職面試最近要能向企業展示個人最佳形象,除了對答以外,行為是否得體可能也是面試官所注意的地方,微小如進入面試室敲門或許會影響求職者的第一印象。最近,有名打工仔憶述其過往一次見工經歷,並到社交媒體專頁「奴工處」投稿,他竟然懷疑一道玻璃門令他喪失獲聘機會!欲知事件如何,且看下文分解。
延伸閱讀:【職場熱話】面試被貶至一文不值 心灰意冷 網民:呢啲公司入嚟都罷
即睇事主分享及網民回應:(按圖了解)
事主:我曾經到尖沙咀新港中心見工,見完走人嗰時同玻璃門猛撞咗一下。
事主:我副眼鏡塊玻璃同眼睛框都散晒,而櫃檯姐姐同佢同事咩反應都無,淨係望住我,然後互相低頭竊笑。
事主:最後,嗰間公司無請到我,唔通係因為我樣衰?
網民:咁明笑,ok?
網民:都過咗去啦,無謂深究。不過從字面睇,樣衰係好大機會。
網民:請你的話,唔通帶你見客嗰陣撞碎人地道門咩?
網民:正常就算三唔識七都會走埋嚟問有無事,但要等笑完之後……
網民:都好事嚟嘅,請咗仲尷尬……
網民:如果請咗,可能會由第一日笑到你離職。
網民:樂觀去睇,撞爆晒眼鏡都睇到櫃台姐姐低頭竊笑,即係可以慳返配眼鏡錢了!
網民:同公司對門唔夾,風水大忌,氣勢已不利!
網民:其實櫃檯姐姐好有品,竟然剩係低頭竊笑!
網民:Interview係由入大廈門口一刻開始到離開間公司座大廈為止!
網民:最樣衰唔係你撞到玻璃,而係你再講呢件事出嚟畀人再笑多次!
網民:唔請未必關撞門事,唔好咁高估你其他面試表現。
網民:因為你撞到而笑係合理因果關係,但唔請有好多可能嘅原因。
網民:可能你當時緊張,當吸收經驗,下次小心。
面試應注意一舉一動 網民:避免大意構成不醒目形象
事主見工事件笑翻一眾網民,有網民好奇為何事主會將這件往事提起,但不少人認為僱主不聘請事主實屬正常,其中一個網民直言:「行出門口都失魂到咁,見工嗰陣應該都唔會太醒目。」
從事主分享可見,撞玻璃門弄碎眼睛一事會影響目擊者對事主的第一印象,如果該等目擊員工向面試官匯報相關事宜,可能影響獲聘機會,有留言指老闆不會希望聘請一名「唔夠smart」的員工,可見一時大意或會構成不醒目形象。
雖然事主大意一事可笑,但有網民提醒事主不應該將責任歸咎於大意,因為面試還有許多其他部分,「可能有其他理由唔請」,要反省自己「可能表現得差」。
延伸閱讀:【職場熱話】求職者害怕實體見工中肺炎 網民:乜都驚就唔使做人啦
延伸閱讀:【見工面試】空窗期愈長 人生愈無得翻身? 進修改變命運?
延伸閱讀:【職場熱話】新公司突致電取消Offer 求職者調查後發現遭OO陷害?