Next
【職場熱話】決定跳出舒適圈 轉工後竟負能量爆登！網民：唔轉工會更加後悔！
【職場熱話】決定跳出舒適圈 轉工後竟負能量爆登！網民：唔轉工會更加後悔！
2024-03-12
不少打工仔為求有更好的職場發展，都會選擇轉工來跳出舒適圈。雖然現代職場不穩定性已經是平常事，但有不少打工仔在轉工後未能適應新環境，繼而心心念念重返舊公司的可能。
近日，有網民於連登討論區發文，指自己為追求更好的事業發展，選擇踏出舒適圈，不過轉工後卻遲遲未獲升職加薪，令到事主感到滿滿的負能量，繼而對轉工的決定感到後悔萬分。
延伸閱讀：【見工面試】未辭職應徵公司HR就打電話做Reference check！求職者困惑：我應該點做⋯⋯
按圖了解事主及網民回應：
事主：自從5年前轉咗工之後，每個星期一負能量好重，起身嗰陣成個腦就係諗點解我當初選擇轉工？搞到而家每日都好唔想返工……當初轉工係因為人工低，工作內容又hea，所以想搵啲新挑戰畀自己，同埋想人工可以高啲。成功轉到工當刻好開心，以為自己終於可以有新發展。
點知最近知道咗舊公司同事全部加晒人工，工作內容仲係不變，每日都輕輕鬆鬆又一日咁。對比自己真係中晒伏，呢5年嚟人工同職位完全無升過……我都係想多少少人工啫，點解個天要懲罰我……
網民A：冥冥中自有主宰！
網民B：跳出舒適圈嘅結果，你而家只係未到收成期，努力多一排就會平步青雲㗎啦！
網民C：再轉工就可以解決問題啦！
網民D：同樓主情況差唔多，但當你唔轉工嗰陣，就會成日覺得新工一定會好過現職。與期「坐這山，望那山」，不如努力堅持咗先，或者搵份更加好嘅工，千祈唔好望返轉頭！
網民E：我係後悔自己點解咁遲先轉工……
網民F：樓主本身心態都好想改變，既然改變咗就繼續行啦，望返轉頭只會令你更加質疑自己嘅能力，失去晒自信。
網民G：其實好多人都係咁，可能係因為短視，或者無真正了解自己，令到好多人都搵唔到好工。當你知自己想要啲咩嘅時候，下一次選擇就唔會再咁易揀錯了。
網民H：如果知遲啲轉工會比現況更加差，正常人都唔會轉嘅。不過你轉工個刻根本唔會知新工作環境會係點，所以點都係會揀轉咗先，至少唔好畀當刻嘅自己有後悔。
網民I：樓主當初揀轉工一定有你自己嘅理由，就算畀你而家返轉頭選擇留低，過多幾個月或者1年你可能又會揀轉工。
網民J：我而家呢份工做咗將近1年，之前見到舊公司同事全部加晒人工，有刻真係諗住食回頭草，但同時亦都知我如果返咗去一定會後悔。
網民K：有時真係運氣問題，事業其實都係講際遇，如果想盡量排除呢個因素，唯有喺啲公營機構做，個影響會細啲。
延伸閱讀：【薪酬討論】打工仔試用期後無加薪 批公司壓榨員工福利
對於事主的經歷，不少網民都有所共鳴，指出勇敢跳出舒適圈後，職涯發展難免與預期中有所出入，是正常不過之事；每個人都會「坐這山，望那山」，總覺得別人發展比自己好，因此網民都建議樓主先專注提升自己的能力，讓自己更容易找到適合自己的工作，而且亦應該反思當初離職的原因，提醒自己真正追求的目標是甚麼。
延伸閲讀：【職場熱話】人工45K冇壓力但冇前景 公司減人手推「肥雞餐」賠半年人工！點揀？
按圖即看5個方法快速判斷辭職時機：
延伸閲讀：【職場熱話】中層文職月搵30K唔想受氣欲轉行：但多數要減薪點算好？
按圖即看拯救職業倦怠的5個習慣：
延伸閲讀：【職場熱話】返工幾多日年假先夠使？ 網民：每年300日就夠 都想返幾日工出糧
最新專訪片︰
【星級斜槓族】ViuTV女神沈殷怡棄律師入娛圈 自認變態喜歡考試 曾有一刻後悔入行？！
Look out for further updates on our Facebook fan page!
Follow CTgoodjobs for the latest career news, hot topics and recommended jobs!