【職場熱話】求職者害怕實體見工中肺炎　網民：乜都驚就唔使做人啦

本港近月迎來兩年多來最嚴重的一波疫情，每日確診數字令人心驚膽跳，多間企業早已實施在家工作安排，或者制定「A/B Team」，減少旗下僱員外出的機會，從而降低感染風險。不過，現時仍有部分公司要求僱員每日返回辦公室工作，甚至繼續邀請求職者親身到辦公室面試。最近，有名求職者到「香港討論區」發文，表示自己獲得某企業的面試機會，但該求職者十分害怕在疫情嚴峻下使用公共交通工具，並就此詢問網民意見。

延伸閱讀：【第五波疫情】公司有人確診但堅持唔畀WFH 大肚同事：點解咁老闆刻薄

即睇事主分享及網民回應：（按圖了解）

+11

+10

事主：而家每日都爆咁多單確診個案，疫情真係太嚴峻！但有間公司竟然約我後日去見工，不過我覺得而家出街搭車見工實在太危險！
事主：我個心仲係十五十六咁，諗緊去唔去見工好…… 各位師兄仲夠唔夠膽出街搭車去見工嗎？
事主：我就無事，不過搭車怕中招，而且in我條友都唔知係咪帶菌者，真係諗起都驚驚……

網民：咁咪唔好去見工囉，有無人用槍指住你個頭叫你去？
網民：嗰間公司啲人咪重大風險？畀一個三唔識七唔知有冇帶菌嘅人入嚟喎！
網民：梗係唔去啦！你咁驚搭車，萬一真係請咗你，你咪要日日搭車返工！
網民：如果唔食飯同會中招，二揀一你會點？唔食飯會死，中招亦可能會死，記住諗清楚先落鎚。
網民：做齊保護去見工，無嘢做就應該去見工啦！乜都驚，唔使做人啦！
網民：人工高嘅去見，平手不了。
網民：為生存，無可奈何啦。
網民：對方唔會要求視像見工咩？
網民：失業有一萬蚊，仲見工？
網民：如果你驚兼唔等錢開飯咪唔去囉，何況去見又唔一定請。
網民：真係仲有啲咁嘅公司，上星期叫我直接上去見，諗極都唔明……

企業應考慮遙距面試　網民：乜都驚唔好做人

疫情來勢洶洶，難免會令人對外出卻步，有網民表示：「呢個時勢正路都唔會叫 求職者嚟辦公室見工。」實際上，坊間早已有不少應用程式可以讓僱主實行遙距面試，例如：Zoom、Google Meet、Skype等。在疫情廣泛肆虐的非常時期，僱主應該保障僱員健康，實施遙距工作安排，同時有助提升企業與僱主的形象。

部分網民留言認為，害怕就不應該出街，但事主回應說：「無嘢撈就無飯開，無錢你養我咩？」從此可見，事主欠缺工作會難以維持生計，而網民不明白事主發文會希望得到甚麼答案，另有網民更直言：「請佢（事主）嗰個就白痴。」

延伸閱讀：【見工面試】遙距面試的8大貼士
延伸閱讀：【職場熱話】髮型屋停業 打工仔苦惱應否自己剪髮 網民：全民扎辮！
延伸閱讀：【疫苗通行證】餐廳限4人一枱 要打至少一劑疫苗 餐廳負責人︰從未如此慘淡

⏩⏩  需要請人？立即刊登招聘廣告！  ⏪⏪