Next
【職場熱話】打工仔遞辭職信後遭上司留難 要獨自完成店舖盤點？
【職場熱話】打工仔遞辭職信後遭上司留難 要獨自完成店舖盤點？
2022-07-11
辭職在職場上是平常事，當找到一份前景及待遇更好的工作，轉工也是人之常情。但不是每個上司或老闆都如此明白事理，甚至視員工辭職為背叛，用盡方法留難即將離職的同事。最近有打工仔在討論區分享經理「玩嘢」手段，指自己遞辭職信後竟被要求獨自完成店舖盤點工作，令他心裡很不是味兒。
延伸閱讀：【職場熱話】員工辭職遭老闆責罵 老闆：我幫你設定好career path
按圖即睇事主分享：
事主：「本來遞咗辭職信，但係今個月要盤點，當時舖頭只有我同一個新人，但盤點當日新人射波。無幾耐經理就同我講新人調舖，呢個月剩低嘅時間會搵第二個同事過嚟幫手，話出咗更表叫我揀日子再盤點。點知經理又話已經幫我決定咗20號盤點，但係當日同事放假，淨係抌低我自己同Part time。」
「本來係7月頭盤點，已經推遲到7月尾、接近係我last day都算數。點解一定要揀一日同事放假嘅日子，畀我自己盤點？雖然話就話有Part time，但係始終Full time識多啲嘢，知道自己要做啲咩，而唔係好似Part time要我講一句先做一句。我覺得佢擺明有心玩嘢囉，諗緊要唔要當日射波？定係大家好來好去？」
除了以上經歷外，有網民亦分享遞信後一個月難受的苦況，指有不少老闆為了「使盡」員工而分派巨量工作，甚至孤立即將離職的同事，令人感到氣餒。
老闆及員工離職前玩嘢事跡：（按圖了解）
辭職好比戀人間分手，最好就是做到好來好去，不要留低負面形象，並祝福彼此日後有更好的生活及發展。以下整理了10項離職後的Do''s & Dont''s，建議決心離職的打工仔要仔細留意。
離職Do''s & Dont''s：（按圖了解）
延伸閱讀：【辭職學問】日日OT到11點 補錢即走好衰？網民兩極意見 有人鬧︰同事會怨恨你
延伸閱讀：【辭職學問】資深同事離職刪除電腦所有文件 損害公司資產可能犯法？
延伸閱讀：【辭職學問】想遞信老闆畀Counter Offer點算好？HR咁樣講⋯⋯
最新專訪片︰
Look out for further updates on our Facebook fan page!
Follow CTgoodjobs for the latest career news, hot topics and recommended jobs!