【職場熱話】 因老細惡言相向辭職 會否太無用？事主：隔住道門都聽到佢咆哮⋯

俗語有云「有頭髮邊個想做癩痢」，若果工作及職場人際關係穏定、內容適合自己，相信沒有人會想遞信辭職。最近有打工仔在網上討論區Dcard訴苦，指自己受到老闆的惡言相向，令他想要辭職，卻又糾結因此辭職的自己會否太沒用：「隔着門也聽到他咆哮...」

點圖了解更多事主經歷：

+15

+14

延伸閱讀：【求職招聘】有CV就唔使求職信？即睇範例於cover letter中展現自己實力！
延伸閱讀：【職場熱話】辭職後反而仲開心？網民：有時間增值自己好充實

事主分享：「小弟喺而家嘅公司已經做咗7年，我上司係一個40歲、離過婚嘅女人。佢嘅作風非常強勢，成日喺辦公室大呼小叫，仲好鍾意用一啲較為粗俗嘅字眼嚟做助詞，好多人都因為佢嘅作風而選擇辭職，前幾日咁啱我就畀佢鬧完。因為公司統計表上面有數字上嘅錯誤，當時我無及時發現到，上司就打去我個位度鬧我，我知佢成日都控制唔到自己情緒，所以諗住盡快平息件事，同佢講會馬上做過一份畀佢。點知佢突然咄咄逼人，要我講自己錯咗邊度，我即刻打開份報表嚟睇，但我真係太緊張，完全發現唔到自己錯咩，佢突然大叫「我問你三月嘅數係咪啱啊？」中間仲夾雜住一啲粗言穢語，我隔住度門都聽到佢嘅咆哮，嗰陣我隻手震到不得了，嘢都講唔到句，佢係咁叫我講嘢，我都出唔到聲，最後佢就話改好畀我，就cut咗線。呢件事過咗幾日我都仲未消化到，所以開始諗我係唔係應該辭職，但又覺得咁樣辭職好似好無用，希望大家畀啲意見。」

網民回應：

A/語言暴力都係暴力嘅一種，除非你有咩非留不可嘅原因，唔係你都係快啲走啦，留得耐對你都唔好，真係唔需要太擔心因為咁辭職，會畀人覺得無用

B/呢7年嚟你上司都係佢啊？

C/唔會有無用嘅人可以做到7年囉

D/我唔覺咁係無用，我以前都曾經畀同事同上司羞辱過，有一段時間懷疑過自己，但真係覺得自己好好彩，脫離咗地獄

E/點會係無用，係人面對突如其來嘅大叫同粗言穢語都會嚇親，只能夠話你上司情緒有問題，如果真係要辭職都要佢道歉，或者你可以搜集資料告發佢，好明顯係佢嘅錯，上司點可以人身攻擊，問候人哋屋企人

F/如果第一日返工，因為咁樣畀人問候而想辭職，我唔覺得會係無用

G/我覺得你忍到7年已經好叻，唔關係咪無用事，係你上司有問題

可向HR或勞工處求助
根據「職場暴力」的定義，是指在工作期間發生任何形式的身體傷害、威脅性行為或者辱罵，當中包括語言暴力、威脅、欺凌、恐嚇及對人粗言穢語等。因此上述事主經歷的事情，可以劃分為職場暴力的一種。

可是香港《僱傭條例》或平等機會條例，沒有實質的法例規範，即使員工因為僱主的語言暴力而感到精神有壓力，也未能追討補償。建議事主可以先與上司溝通，讓上司知道他的行為讓自己感到難受，若果對方沒有理會，依然繼續這種方式向事主施壓，可以嘗試收集證據，如記下發生事件的時地人事，或者錄音等等，再將它交給人力資源從業員（HR）處理。將事件呈報HR也沒效的話，可以向勞工處及工會尋求協助。選擇申訴，還是離開也好，最重要的是保護好自己，若果精神健康受損的話，就很難復元。

思前想後，不知道自己應否辭職？可以先做以下的測試，再作考慮：（點圖了解更多）

+11

+10

延伸閱讀：【轉工跳槽】放工秒速跑走、偷打電話、經常請假……10個舉動洩露同事準備離職
延伸閱讀：【辭職學問】辭職前想好這7件事 減低令自己後悔的機會

⏩⏩  需要請人？立即刊登招聘廣告！  ⏪⏪