【職場熱話】員工屋企人患癌 幸得上司同事體諒 放心遲到早退 網民感動：童話故事！

在職場上，員工的健康問題往往會對其工作和生活帶來巨大的影響。然而，在這個充滿競爭和壓力的環境中，有些公司和同事卻能夠給予關懷和支持，讓員工能夠更好地應對疾病和挑戰。

最近，一個感人的故事在網絡上引起了許多人的關注和共鳴。有網民在社交平台專頁「奴工處」上以「感激我遇見，公司係我嘅避風港」為題投稿分享，指自己的家人之前患上了癌症，但由於上司和同事的體諒和支持，她可以放心遲到早退，專注照顧家人。

延伸閱讀：【讀者投稿】員工祖父母相繼過身要請恩恤假 點知畀刻薄上司寸：下星期到邊個死？

事主分享：「等我都分享一下我嘅窩心小故事。講一下背景，當初入呢間公司，我完全係白紙一張，而且我年紀係最細，唯一一個二字頭，而其他同事全部都接近做咗十年廿年嘅家長級。當年我媽媽有cancer，無論經濟同情緒都好大負擔，而我所有同事都喺唔同方面，用佢哋嘅方法支持我。」

即睇事主繼續分享及網民回應：（按圖了解）

+17

+16

事主：「特別係我直屬上司E，不論情感同工作上，佢畀咗無限量嘅support我，每日都會關心我，間唔中會捉我出天台傾偈，攬住我、等我爆喊發洩。佢仲會偷偷地調整我工作量，等我唔使咁大壓力。另外因為媽媽每日都要打針食藥，但佢又會好抗拒，我每朝為咗氹佢，成日都會遲到。而且病情好反覆，經常突發入院，我又要早退趕去。E同佢兩個上司反映後，佢哋同我講：『冇嘢緊要過屋企，唔使擔心乜嘢遲到早退會warning，放心照顧媽媽。』而其他部門嘅家長，喺空閒嗰陣都會關心我，有嘢諗唔通嗰陣，佢哋都會用心分析。直到我媽媽過身，佢哋依然默默support，關心我生活上嘅其他事。呢個就係其中一小部分嘅窩心故事，咁講好似好奇怪，但當時公司對我嚟講，真係一個避風港。直至呢刻，就算我已經離開咗公司，我依然好感恩能夠遇到各位。」

網民：「公司角度：公司個個同事都對佢咁好，最後都係走，真係養唔熟！」
網民：「細公司，又個個都對佢咁好，反而會覺得佢細個出去闖吓仲好發展呢！」
網民：「呢啲同事就可以做朋友， 但我也相信是你自己的善良人地才對你好。」
網民：「呢間好公司業務蒸蒸日上，生意興隆！」
網民：「咁好嘅公司真係會唔捨得走！」
網民：「真幸運，有個咁好嘅上司！有啲上司日日朝早都黑口黑面，打招呼都好似踩親佢咁。」
網民：「現實童話故事嚟！」
網民：「好公司，好同事。」
網民：「公司同事好好，真係可遇不可求。」
網民：「通常見人慘先會咁，你好過佢又唔會對你咁好。」
網民：「滴水之恩，當湧泉相報。感恩造就，非同凡響。」
網民：「以為故事嘅走向係同上事E漸生情愫，最後發展成戀人。」
網民：「又是一個窩心的故事。」
網民：「其實一個好上司可能唔止係工作上，必要時系要照顧埋下屬嘅情緒，呢樣嘢都係雙向的。」
網民：「有冇咁好同事呀，點解我出嚟做嘢咁耐都遇見唔到呢？」

關注員工的身心健康
一個人性化和關懷的職場環境，讓員工在工作和生活中感受到支持和關心。公司和同事的體諒和支持，不僅讓員工能夠更好地應對疾病和挑戰，也促進了團隊的凝聚力和工作效率。這個故事提醒我們，在職場上不應只注重工作成果，而應更加關注員工的身心健康和福祉，營造一個更加人性化和關懷的工作環境！

延伸閱讀：【讀者投稿】員工祖父母相繼過身要請恩恤假 點知畀刻薄上司寸：下星期到邊個死？

+14

+13

延伸閱讀：【見工面試】畀人炒仲搵前上司做諮詢人？其實諮詢人仲可以有咩人選？
延伸閱讀：【職場熱話】男同事好心請大叔同事飲住家湯 慘被誤會為OOOO…
延伸閱讀：【見工面試】面試係一場表演！係咪講大話作到自己好勁都得？
延伸閱讀：【面試穿搭】見工着咩顏色嘅衫最好？想sharp醒兼好運 着紅色得唔得？

最新專訪片︰

【星級斜槓族】Grace陳凱琳享受「媽的多重身分」 惟暫無意再拍劇 自認慈母 老公鄭嘉穎卻有微言？！

⏩⏩  需要請人？立即刊登招聘廣告！  ⏪⏪