【職場熱話】同事逐個話快測陽性獲安排WFH 執手尾員工：我今晚就話自己陽性！

CTgoodjobs' Editor

Published: 2022-02-25

Updated: 2022-02-25 12:32

疫情持續不斷，確診個案更是不停上升，對於檢測人員及醫護人員來說，可真是應接不暇，壓力相當沉重⋯⋯很多公司都發現有確診個案，所以面對員工有初步陽性的檢測結果時，公司都會很謹慎處理，以免在公司中成為傳播鏈⋯⋯

延伸閲讀：【疫下創業】研製可重用殺菌口罩洗200次仍有功效！創辦人：殺菌只需1秒！

有網民在社交平台專頁「香港抗疫關注組」上發文分享，指公司陸逐有很多初步陽性的個案，同事一個又一個開始在家工作⋯⋯他說：「一開波有個同事話自己家人初步陽性，公司就安排佢WFH；冇耐又有個同事快速測試陽性，又安排佢WFH，之後就嚟料，個個都話自己快速測試陽性，全部WFH！到今日，得返我同我上司喺公司，食晒啲手尾！我今晚就話自己陽性，攬炒！」

不過有網民則看穿一切，指如果大家都初步陽性的話，那會否上司自己一個在家工作便可？

即睇網民回應：（按圖了解）

網民：「如果連你都中埋，你老細會叫全部同事一齊返工，佢自己放假。」

網民：「試吓WFH要扣大假，即刻好返晒。」

網民：「而家去政府檢測都要等幾日先有結果，未有結果就唔好返工住，得咗。」

網民：「我支持你即刻報初步陽性先，唔好執輸啊！」

網民：「反正個個都初陽，仲使WFH？齊齊上班等結果。」

網民：「老細就肯定WFH，日日Zoom開會安排工作。」

網民：「全軍覆亡，正常！」

網民：「但係陽性唔係要證實咩？可以就咁話自己係就得？唔使影個測試畀公司睇？」

網民：「全公司都陽性可以好大鑊，我幫你同衛生署報告咗，應該好快會聯絡你攞資料同安排隔離！我強烈建議樓主你唔好返工啦，因為公司冷氣循環系統好大機會已經受感染，公司問起可以話等緊衛生署通知，根據經驗樓主你間公司好大機會要圍封強檢，我會盡力幫你跟進，真係唔好返工，留喺屋企啦！」

網民：「上司等緊你陽性，然後到佢。」

員工返回工作崗位最新安排
醫管局於2月23日發布更新版《員工返回工作崗位最新安排》，指示確診員工或被列為密切接觸者的員工，核酸檢測（PCR）採樣或同住家人快速抗原測試（RAT）呈陽性、向醫管局人力資源部通報當日起計，只要於第 7 日進行快速抗原測試（RAT）呈陰性，通知上司後便可返回工作崗位。《最新安排》2月23日起生效，各公司及員工請留意。