【職場熱話】同事寫字靚 被上司要求幫全Team人寫揮春

臨近農曆新年，家家户户都開始緊密張羅，到處買年花、寫揮春、佈置家居，盼為家居增添一點節日氣氛。近日有網民於網上討論區發文，指公司有同事因為字體優美，被上司要求代筆為團隊的同事撰寫揮春。雖然有同事提議「自己的事自己做」，上司卻固執己見，令該同事一手包辦。但在本身工作繁重的情況下又該如何完成撰寫揮春的任務？

+4

+3

樓主：公司有個女同事寫字好靚，上司賞識佢叫佢今年幫手寫吓揮春。

樓主：仲以為寫一兩張應節，點知上司原來叫佢幫手諗埋每個同事寫邊句祝福語⋯⋯仲要唔可以寫「身體健康」、「萬事如意」呢啲行貨。

樓主：成Team人有15個人，女同事一個人要諗晒、又要寫晒。

樓主：我幫佢諗咗3個已經諗到頭痛，佢諗完仲要寫⋯⋯

樓主：有其他同事提議不如自己寫返啦，但上司話：「好多同事啲字都咁醜樣，唔寫好過寫」，所以先叫女同事幫手寫。

樓主：但係我想講，硬筆字寫得靚唔代表毛筆字都寫得靚㗎喎！

樓主：個女同事依家每日除咗做公司嘢，食飯時間仲要抽時間去練字⋯⋯

即睇網民回覆：

+4

+3

網民：寫完用得幾多日呀？最後咪又係垃圾桶見⋯⋯

網民：叫個女同事同老闆講，規矩寫字要潤筆費，唔係唔吉利。

網民：梗係用返工時間練同寫啦！要絕對服從上司委派嘅工作，邊個唔滿意就同上司講，上司會明白一切。

網民：上網一查都大把祝福語啦！搵完圖仲有埋字體。

網民：老闆咁做係畀客睇，睇下公司幾「齊心」，簡直有如「一家人」。

網民：手寫靚唔靚得過電腦隻標楷體？Color Print印出嚟仲快靚正。

網民：如果係我，我會嗱嗱臨寫完畀返佢。反正佢覺得靚要人寫嘛，到時唔靚都唔關我事。

拜年淨係識講Kung Hei Fat Choy？學識10大英文拜年祝賀語。（按圖了解）

+8

+7

+10

+9

延伸閱讀：【恐怖上司】女上司放假照監視下屬工作 事主：搞到廁所都唔敢去

延伸閱讀：【職場貼士】上司無落Order 照屈下屬跟漏 事主：應該點做？

延伸閱讀：【職場文化】上司表現差勁被投閒置散 連累下屬日日OT執爛攤子

延伸閱讀：【人際八卦】男同事成日喺公司指指點點 樓主：平時喺屋企做開王子？

最新專訪片︰
30歲蘇麗珊轉型做唱作歌手 大爆曾經5點起身返咖啡店、做地盤

⏩⏩  需要請人？立即刊登招聘廣告！  ⏪⏪