Discovery Feed is launched!
【職場熱話】兼職員工口頭通知辭職卻尾日no show 上司要求賠代通知金
CTgoodjobs' Editor
離職象徵打工仔與僱主的僱傭關係完結，但離職前理應維持責任心，不應拋下工作於不顧。早前連登討論區有一帖文獲眾打工仔關注，事緣一名兼職員工聲稱曾給予辭職意向的口頭通知，並會於通知期屆滿當日離職，但卻在最後一天沒有上班，隨即被上司要求賠償代通知金。此事件引發眾網民的激烈討論，
延伸閱讀：【職場熱話】已遞信 但同事仲係對自己呼呼喝喝 應該忍耐定係反擊？
即睇事主分享及其他網民回應：（按圖了解）
事主：早排返PT，一個禮拜前就已經同經理講辭職，嗰陣時大家都OK、有共識。點知去到今日，我無返最尾一日，佢就無啦啦講話要代通知金。我明明超過七日前通知咗，不過就無書面記錄，淨係得我同佢兩個當面對話……諗住辭職信最尾一日先畀，而家點算？係咪都係要扣糧？佢話乜嘢之前無遞到信，要代通知金，但明明之前口頭講好咗。今鋪真係大件事，見我今日乜都無講唔返，佢就玩嘢，明明一定過七日，佢都話係今個禮拜先同佢講，話會跟返公司程序做嘢。
網民：擺明你似玩嘢多啲！
網民：請到你呢啲人真係喊三聲。
網民：Last day先嚟遞信，仲要當日唔出現，佢幫你係人情，唔幫你而揸正嚟做真係大條道理。
網民：重點係你今日無返，仲話人玩嘢？
網民：你last day放人飛機，畀我都玩鬼你！
網民：無畀辭職信？有無搞錯……
網民：口頭通知就當辭咗職，一個書面紀錄都無，咁樣好難幫你喎……
網民：無書面記錄好難搞喎！起碼WhatsApp或者email都要啦！
網民：呢啲一定要白紙黑字！
網民：自己攞嚟，無人幫到你！
網民：咁你睇返份約有無寫明書面通知，如果有，你就可以慳返啖氣。
網民：咁就返多一個禮拜！
網民：Last day都唔返，梗係當你違約！
網民：呢個故事教訓你做人要有交帶。
網民：PT會遞信先係戇居，但最戇居係樓主自己最後一日唔返，有位畀人入。
網民：返PT都要代通知金真係第一次聽……
網民：第一次聽兼職要辭職信同代通知金，唔知啲人識唔識分pt/ft，兼職係多勞多得，邊日唔做咪邊日cut off計糧，點會扣嚟扣去又要遞信……
白紙黑字最重要 離職前須有交帶
雖然事主打算到網上論壇獲得他人的同情，怎料「圍爐」不成，更反被圍攻。眾網民認為事主工作態度散漫，十分不要得，更有留言直接道：「請到你呢啲人真係喊三聲。」多名網民認同事主上司的反應是人之常情，毫不諱言事主「抵死」，有一網民表示：「世界唔係你打橫行，你no show玩嘢搞到上司，畀著我係上司都反面，唔使錫住你啦。」
話雖如此，有網民則指兼職員工需要離職通知一事奇怪，因為普遍兼職都是「多勞多得」，「邊日唔做咪邊日cut off計糧」，但有人則反駁，兼職應否有通知期或代通知金取決於合約條款。
事主面對的事件出現了兩個問題，包括：口頭協議、最終日曠工應否賠償代通知金。坊間常指，口頭承諾具有法律效力，即使口頭訂立的僱傭合約也受到《僱傭條例》（香港法例第57章）條款保障，但勞工處建議僱主應盡可能與員工訂立書面合約。不論勞資雙方，白紙黑字的通知皆能更有效保障各方權益，避免潛在糾紛。至於應否賠償代通知金的問題，這需留待法律專家判定，但《僱傭條例》容許僱主扣除實際缺勤時間的工資。
無論如何，即使兼職打工仔並非全職員工，但理應同樣有責任心，在最後工作天於沒有請示下曠工是不要得的行為，有損個人聲譽。
（上述部分並非法律文件。有關法例條文的詮釋，仍以法例原文為準。若遇上類似事件時，應尋求法律專家之意見。）
《僱傭條例》允許僱主喺特定9個情況下扣除員工薪金，究竟有邊啲呢？（按圖了解）
延伸閱讀：【辭職學問】離職原因小心講 講錯隨時被淘汰 9個負面理由要注意
CTgoodjobs is Hong Kong’s leading recruitment platform. Our editors brings you the latest salary trends, interview tips, and professional courses. We provide comprehensive career insights to help you navigate career transitions, break through bottlenecks, and stay ahead in the workplace!
Explore Job
Follow CTgoodjobs for the latest career news, hot topics and recommended jobs!