【職場熱話】公司要求離職後才做交接　網民：不如過身後先立遺囑

辦公室人才一向處於狀態，加上當今上流機會低，同事離職已成常見事。離職員工從遞信到最後工作日期間，通常有兩星期至一個月時間，以便將工作交接給繼續留任的員工，避免同事離職的運作出現混亂。不過，竟然並非每個老闆都希望員工在離職前通知期內完成交接？有名準備轉職的打工仔早前向社交媒體專頁「奴工處」投稿，表示老闆竟然要求在離職後才進行交接工作，令網民議論紛紛。

延伸閱讀：【辭職學問】遞辭職信後四應做與三不做

即睇事主分享及網民回應：（按圖了解）

+16

+15

事主：忍辱多時，終於遇到最啱嘅時間Resign！星期一已遞信，兩星期後準備執包袱走人。

事主：星期二老細特登出email，叫我last day之後搵個時間返公司handover。

事主：人都已經離咗職，仲好意思叫人返去幫你教新人？又唔知你幾時請到人，分分鐘唔只返一日教一個⋯⋯

事主：老細，我諗係你需要被教多過個新嚟嘅同事囉！

網民：你老闆都厚面皮到一個點。

網民：老細記得過身後先立遺囑！

網民：梗係同佢講好啦，然後離職再同佢傾價錢。

網民：好，收顧問費，唔俾就唔返，個價仲要你開。

網民：我一定坐地起價。

網民：教！梗係教啦，仲要睇價錢啱唔啱，唔啱就亂咁教。

網民：離職後忘記嘢好平常，教錯教漏都係！

網民：應承佢，然後last day後就走人唔好返。仲好，唔使Handover！

網民：佢可能想用reference letter要脅投稿人幫他免費工作。扣住封信待至投稿人回來教曉接手同事後才出信。

網民：咁我會print定個email，見工時HR問拎ref letter，就畀個email佢睇，解釋返前老闆有幾西。

網民：我成日覺得reference check好虛無縹緲。如果攞那個人換位思考就應該明：讚嘅未必好，彈嘅未必差。

網民：轉得工，有一半都係唔妥個老細／上司不歡而散，根本無人真係理個評價，只係睇係唔係真係有個人喺度做過……

網民：盡好自己責任，離職後就關你鬼事。

網民：離職再返應該要雙計！

網民：可以幫手handover……不過係離職前，唔係離職後囉！

離職前交接　員工沒義務離職後工作

眾多網民幾乎一致認為僱主要求無理，其中一名網民更以「死後立遺囑」的比喻揶揄事主老闆。有些網民分析，該老闆只是希望事主能夠無償協助公司進行交接程序，用盡事主通知期內的時間繼續產出。

網民勸告事主若離職後協助交接，應該「收顧問費，唔俾就唔返」。另有網民指出，就算離職後回公司協助，事主應該與僱主另訂短期合約，以白紙黑字保障自己，但更多網民認為事主應該開天殺價，「一個鐘話收三皮嘢（三萬元）就算啦，之後無人會打嚟煩乜嘢handover」。

雖然事主遇到的事情偏離常理，但每位準備離職的員工理應盡本份，在最後工作日前完成交接，盡最後的責任。

延伸閱讀：【職場熱話】全部員工辭職會發生咩事？網民：唔好諗到自己咁重要

延伸閱讀：【職場熱話】同事辭職原因係老闆？打工仔質疑不負責任 網民：合情合理

延伸閱讀：【辭職學問】老闆做咩挽留先有用？一人一個收回辭職信的原因

⏩⏩  需要請人？立即刊登招聘廣告！  ⏪⏪