【職場熱話】不慎用花名稱呼老闆? 網民:老闆唔介意其實幾好玩

【職場熱話】不慎用花名稱呼老闆? 網民:老闆唔介意其實幾好玩

從小開始,每個人總會有數個花名,通常皆以外型取名,但當然也有關乎性格、形象的別稱。有人認為以花名稱呼感親切,但同時有人因為花名而深受困擾。兩種反應截然不同,這關乎花名或可能出於善意或惡意。在利害關係充斥的職場裏,花名多時成為員工發洩對上層不滿的方式,如果不慎在老闆面前將老闆花名宣之於口究竟會出現甚麼事呢?最近,有一名打工仔在網上討論區「連登」發文,表示自己上班到公司門口時遇上老闆,怎料不慎用了花名稱呼。此文一出,隨即惹起網民熱烈討論,更有不少網民告知其老闆的花名。

延伸閱讀:【職場熱話】一人一個同事討人厭行為 網民:扮唔識做 其實想我幫佢做埋…

即睇事主分享及網民回應:(按圖了解)

事主:是咁的,小弟返緊間細公司,不過老細都算幾出名,網上有人幫佢改咗個花名添。

事主:今朝返到去我仲未瞓醒,喺門口撞到佢就口快快嗌錯咗做「皇上」,即係佢花名,但收到風佢本人唔多鍾意個名……

事主:平時佢同我都算多偈傾,佢仲好鍾意行嚟我個位R水吹,但係依家食完lunch都無聽佢出過聲,唔知係咪嬲咗我。

網民:試過叫錯老細,佢嬲咗我成個禮拜。

網民:曾經試過,之後叫我第二日唔使返工。

網民:老闆叫XX輝,我地圍內成日叫佢輝仔。有次同有喺走廊見到佢,我口快快同同事講,輝仔走啦,快啲叫佢簽啦……老闆聽到笑笑口。

網民:見過有人出信內文用咗一個同老細英文名好似嘅花名出,仲要老細簽埋名出埋街……

網民:本來成班同事暗底叫老細做首領,有次有個同事唔小心叫咗老細做首領,老細又唔介意,以後大家就直接叫咗老細做首領了。

網民:試過多好大聲咁叫佢方丈。

網民:叫錯過叫佢做垃圾。

網民:試過係廁所口快快問同事,頭先條XX嗌你入去講乜?(XX係指老細)點知道原來條XX啱啱好係廁格!

網民齊數老闆花名,有人竟然叫老闆做益力多?(按圖了解)

網民:叫過老闆做金錢師,佢又真係應我……

網民:同事私下叫開佢潮童/潮仔。

網民:上司係矮仔,啲人背後叫佢高佬,好彩無試過叫錯。

網民:叫老闆做光頭佬多。

網民:我老細開會成日自稱天才IT少年,我哋圍內叫佢禿頭IT少年。

網民:主管會叫掃把(supervisor),但已經俾內行傳開晒,所以有啲人知掃把係咩,除非你間公司有幾個掃把。

網民:有次老細同其中一個二奶鬧交,原因係個老細仲有玩其他女人,個二奶喺公司潑婦罵街,中間爆響口老細嗰度同益力多差唔多長,自此之後公司啲人就幫佢起個花名叫益力多。

 

花名勿亂叫 不介意或能提升親切感

雖然甚少網民提出如何解決叫錯老闆花名的問題,但卻顯示花名在職場十分普遍。有網民認為如果員工、老闆不介意花名這回事,有助提升親切感,「正常知得花名,關係都唔太差」。其中一名網民表示:「我老細叫做恐龍腳,而佢會改返我哋花名。」從此可見,花名可以是員工與老闆間的雙向娛樂。

許多上年紀人士少不免有肚腩,一名網民留言:「我哋成班叫老細做肥仔,佢知道之後話我哋無加個死字喺前面已經好畀面,啲同事話同事離職後,佢打電話搵嗰位同事時會稱呼自己做肥仔。」

另有網民指出自己經常被老闆稱為「四眼仔」,豈料該網民會用「死老坑」回敬老闆,他認為「如果大家唔介意嘅話係幾好玩。」

不論員工還是老闆,以花名互相稱呼前應該先了解對方會否因而感到不悅,互相尊重是大前提。如果對方十分討厭自己的花名,在當事人面前避開談及這個名稱才是上上之策。如果打工仔對老闆深感不滿,用花名發洩未嘗不可,但請看看當事人是否與你身處在同一空間內啊!

延伸閱讀:【職場熱話】女職員怪同事唔主動關心佢 網民:返緊學定返緊工?

延伸閱讀:【職場熱話】為生活辭職轉工 打工仔不捨到哭 網民:好老闆可遇不可求

延伸閱讀:【職場熱話】公司員工代老闆做碩士功課、打卡上堂 網民:張畢業證書呃返嚟?

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Related Articles

  • 【職場熱話】老闆私下WhatsApp講某同事壞話 打工仔:應唔應機都死……

  • 【職場熱話】2021最受歡迎女友職業 第十位會計、第五位畫家、第一位係…

  • 【職場健康】諗起返工就驚?英國調查:近半數員工壓力過大

  • 【職場熱話】為生活辭職轉工 打工仔不捨到哭 網民:好老闆可遇不可求

  • 【職場熱話】大公司文具好霉!筆冇墨、間尺裂、釘書機生鏽…

  • 【員工福利】美國女富豪回饋員工 送每人兩張頭等艙機票加7.8萬旅遊津貼

  • 【職場熱話】2021最受歡迎男友職業排行:第8攝影師、第6公務員…

  • 【萬聖節奇職】12歲少年終日留連墳場 以清潔墓碑賺外快

  • 【萬聖節行行有鬼故】前同事過勞死 之後曾出現喺公司影印 網民:搵人打齋叫佢收工啦

  • 【萬聖節行行有鬼故】同事食飯會拎多張櫈、擺多套餐具 唔通係養OO?

Jobs You Maybe Interested In

刊登招聘廣告
;
Follow CTgoodjobs for the latest career news, hot topics and recommended jobs!
Maybe Later Follow