【職場熱話】老闆私下WhatsApp講某同事壞話 打工仔：應唔應機都死……

麻煩上司有很多類型，其中愛講八卦的老闆一定榜上有名。最近有網民表示老闆私下WhatsApp他，向他抱怨另一個同事的工作效率，又詢問他平時待人處事的態度，試圖從他口中詢得到意見。事主剛投身社會，不知道該如何應對，於是向網民求救。

延伸閱讀：【職場貼士】同事傾偈小心踩地雷！邊6個話題最易死？

事主指出：「有日老細突然夜晚WhatsApp我，同我呻話同事Ａ做嘢好慢，又話佢一到6點就趕收工走佬，問我覺得佢點。心諗我入咗公司2個月而已，食物鏈最低層嚟㗎咋，應該點覆機先唔會得罪人？」

網民有咩意見？（按圖了解）

網民Ａ：如果係我，會求其覆一句「Haha 係咩」就算，總知唔好顯示自己有任何立場。
網民Ｂ：打個笑喊emoji扮傻算啦，千其唔好捲入呢啲是非，同埋老闆可能試探緊你。
網民Ｃ：你有無熄藍tick功能？如果有就唔怕已讀不回，最多第二朝講返尋晚太忙無睇message。
網民Ｄ：可能老闆睇得起你，覺得你同佢企埋同一邊，所以先問你意見，附和吓佢囉。
網民Ｅ：最憎嗰啲鍾意講八卦嘅老細，平時返工已經煩，放工唔好再搞我啦……
網民Ｆ：而家擺明畀機會你埋堆啦，仲唔顯示你嘅忠誠，企喺老細嗰邊答佢「你咁講又好似係」。
網民Ｇ：呢啲小動作通常用嚟分化員工咋，唔好咁易中計！是但應佢模稜兩可嘅說話，最好咩都扮唔知。

如果打工仔想保護自己，避免捲入任何辦公室政治，應該要學懂慎言，不要隨便向其他人透露對同事的想法。萬一有人向你探口風，可以試用以下5個方法，避開是非精。

按圖了解更多：

延伸閱讀：【讀者投稿】公司一年有5個員工離世 打工仔擔心健康：及早轉工？

延伸閱讀：【職場熱話】22歲打工仔欠債20萬 學歷低打份牛工 大呻：好後悔賭錢

延伸閱讀：【網絡熱話】返工幾努力都無得升 打工仔感慨：接受自己係平庸嘅人

⏩⏩  需要請人？立即刊登招聘廣告！  ⏪⏪