Next
【職場熱話】為生活辭職轉工 打工仔不捨到哭 網民：好老闆可遇不可求
【職場熱話】為生活辭職轉工 打工仔不捨到哭 網民：好老闆可遇不可求
2021-11-02
很多打工仔都希望，自己會遇到一個聊得來、善解人意的老闆，即使面對困難，他都可以與你攜手，一起解決問題。這種老闆可謂「可遇不可求」，如果你的老闆正是這種類型，就要好好珍惜。
延伸閱讀：【職涯規劃】疫情期間想轉工？先問自己這7個問題
延伸閱讀：【辭職學問】辭職前想好這7件事 減低令自己後悔的機會
最近有打工仔就在討論區分享，自己因為生活而離職，不捨老闆而灑下眼淚的經歷，網民看畢打工仔的故事後，都紛紛表示，「好老闆可遇不可求」。
點圖了解更多事主經過：
1/我喺而家間公司做咗兩年幾，間公司係一間家族營運嘅公司，
2/老闆娘同佢個女都對我好好，雖然時問唔算長，但都好開心，
3/裡面啲師傅人好好，唔會收埋收埋，唔教人嘢。
4/不過可惜呢份工嘅人工，唔夠我畀貸款還款同生活費
5/只可搵份Shift．做用時間換錢嘅工作
6/啱啱同老闆娘講咗辭職，講咗幾句就直接喊咗出嚟，真係羞家
7/搞到老闆娘同個女都同我一齊喊，仲同我講如果份工唔適合可以返嚟
8/嗰吓即刻好後悔自己提咗辭職，但為咗生活又唔走唔得，
9/唉真係好現實啊，鍾意嘅工又做唔到
10/不過錢真係多啲，無辦法啦，而家好怕去到新公司會唔知點，好難過
網民回應：
A/好難得見到人離職會難過，睇嚟老闆娘真係對你超級好，好老闆可遇不可求，祝你工作順利
B/遇到好老闆係好難得，但人生就係要不斷向前（錢）看，繼續向下個階段行啦，加油
C/我之前都試過，辭職嗰陣好難過，成日都會好懷念，但唔緊要，過咗就好
D/走咗就唔好諗咁多啦
E/咁嘅老闆同同事真係好難得，又會唔捨得
F/但我覺得如果個老闆畀嘅人工唔係正常市價嘅話，唔係個好老闆，只係一個脾氣唔錯，好相處的老闆
G/即使走咗，都可以繼聯絡，送吓禮物。畢竟喺職場遇到好人，係得來不易嘅緣份
H/唔使難過喎，人望高處嘛，天下無不散之宴席，等有高啲人工，就唔會覺得難過
延伸閱讀：【轉工跳槽】點先搵到一個值得你信任嘅僱主? 要留意呢五個方面
人總需要向前望
經常都有人會說，職場如戰場，在這個地方遇到一起作戰的伙伴，當然是非常難得。但卻不能為了他，而在原地踏步，過於留戀過去，就只能夠活在過去。正所謂「人往高處走」，人應該要不斷提升自己，抓住發展的機會，才能讓自己有更大的成就，變成一個更好的自己。
到了某個年紀，就會開始考慮自己應否轉工，有這個想法，不妨首先做一個測試！（點圖了解更多）
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!