【職場熱話】大公司文具好霉！筆冇墨、間尺裂、釘書機生鏽…

新入職第一天，第一時間你將會得到一份新文具！雖然很多文件都經電腦處理，但一些基本的文具還是需要的。而當我們以為一定會有全新的文具時，有些公司卻非常庹縮，給新人一些爛文具……

延伸閱讀：【另類職人】前啱Channel演員柔柔 由幕後到幕前再轉做瑜伽導師

有網民在社交平台專頁「奴工處」上投稿分享，指公司真的有點寒酸……「返份大公司新工，HR畀文具我，三支筆有一支寫得出、黃豆咁細嘅擦膠、同埋生鏽釘書機、間尺裂開咗一唔小心會夾到手，真心想知咩玩法？」

其中一兩件壞了都還可理解，但全都有問題的話，又會否有點過份呢？

即睇網民回應：﹙按圖了解﹚

+10

+9

網民：「大公司咁霉？」

網民：「叫佢換，講完。」

網民：「其實都冇咩所謂，文具都好少用，依家都打字唔使寫字，online form instead of paper form，要記低啲嘢嘅話，錄音就得了，啲嘢都放晒上one drive，唔駛filing，仲有乜嘢情況要用文具？」

網民：「有時都要用到，始終有時要簽名同print嘢釘起畀人哋。」

網民：「好奇間公司有幾『大公司』？」

網民：「自己文具自己帶﹙我公司有供應，但我慣用自備的質量好啲，用都用得開心啲﹚最緊要寫返自己名，方便自己拎返。」

網民：「我開工舊擦膠，用到退休都得。」

網民：「咁啱呀，我都係大公司，枱頭電話仲黃過阿婆底褲，可想而知有幾多年歷史。仲要部電話第一下拎起冇聲﹙我聽唔到對方、對方聽唔到我﹚，唔求換部新嘅，但連部正常spare機都冇，admin話公司冇新電話，繼續用返部又殘又壞嘅機。」

網民：「唔知係咪我fresh grad 出嚟嗰間，啲筆冇一支寫得出，問同事借公司筆都一樣。計數機有一個位壞咗顯示唔到。」

網民：「枱頭電話嘅真係冇得講，但係文具嘅話我會自備囉。講真依家好多十二蚊店的文具都好平咋嘛。」

網民：「雖然少錢，不過提供用得嘅文具好基本啫，你都識講好平，好心咁大間公司就唔好咁縮骨啦！」

自備文具還是爭取到底？
有些網民覺得事主的投訴很無謂，更謂不如自備文具算了，「文具嘅話我會自備囉。講真依家好多十二蚊店的文具都好平咋嘛。」不過亦有網民覺得，為甚麼要貼錢返工呢？道：「雖然少錢，不過提供用得嘅文具好基本啫，你都識講好平，好心咁大間公司就唔好咁縮骨啦！」所以會向公司爭取到底。

同時，有網民覺得，很多工作步驟已經可以用電腦代替，其實很少會用到文具，「依家都打字唔使寫字，online form instead of paper form，要記低啲嘢嘅話，錄音就得了，啲嘢都放晒上one drive，唔駛filing，仲有乜嘢情況要用文具？」如果真的要簽名，那就自備一支筆好了。

不知道大家又會怎樣想？

延伸閱讀：【另類職人】前啱Channel演員柔柔 由幕後到幕前再轉做瑜伽導師

延伸閱讀：【另類職人】街巿出身空姐轉行開凍肉鋪 無暇因公司倒閉而失落：要向前行生活！

延伸閱讀：【另類職人】自小幫家人開雞檔 現以跳舞、演藝為生 Catry：從來冇為街巿出身而自卑！

延伸閱讀：【另類職人】凶宅清潔師見盡凶案現場 血跡未算最驚心 更試過被報夢…

延伸閱讀：【戶外工作】以新聞攝影紀錄歷史 上山下海、更曾中彈 只憑一份使命感

延伸閱讀：【另類職人】劍擊十年 由運動員到社工 轉職感言：兩者最着重同是「溝通」

⏩⏩  需要請人？立即刊登招聘廣告！  ⏪⏪