Discovery Feed is launched!
【職場熱話】用OT衡量工作表現 上司連送殯都唔畀？ 事主：要我開完會先走得…
CTgoodjobs' Editor
Work-life balance是每個打工仔的夢想，不過能否實行就得看個人的毅力。很多人都會說得自己多無奈、多身不由己，不過其實真的在乎你有沒有足夠的決心。
延伸閱讀：【萬聖節行行有鬼故】樂園識員收夜 驚見價錢牌OOOO！
有網民在社交平台專頁「奴工處」上投稿，指自己的上司十分涼薄，明明已經事先說了放工要去送殯，可以上司卻要他待至開完會才可以走，「講好咗夜晚要送殯，都要我OT」「話說前上司喜歡用OT去衡量同事的表現，前上司曾說：『做呢行就冇Work-life balance，星期六日都要隨時工作，你接受唔到就轉行。』有晚我要去殯儀館，已經一早通知她，但竟然要我等到她開完會，再同我recap開會內容，最後我8點幾才可以走！送殯都不可以嗎！？」
網民聞言立即覺得，雖然事主的上司很冷血，不過事主本人是否都要懂得分輕重呢？腳在你身，為甚麼要等而不離去呢？
即睇網民回應：﹙按圖了解﹚
網民：「當你聽教聽話，老細高層的確鍾意你，但係任何嘢都唔識say no時，佢哋就睇穿你係任意指揮嘅奴工，就變咗睇唔起你啦，自己學吓say no啦，強姦要叫唔好呀！」
網民：「同佢講，今日唔畀我送殯，聽日就幫佢出殯！」
網民：「最憎人講：『你接受唔到就xxx』，好巴閉咩？」
網民：「你話今晚我出殯，佢就會放你。」
網民：「請多兩個人咪可以work-life balance囉。」
網民：「投稿者的問題大啲，原因係佢自己唔識分輕重。」
網民：「係我就唔理佢啦！依啲咁嘅公司唔值得留低！」
網民：「點解你會等佢？講低就直接走啦！」
網民：「你又等佢先神奇，夠鐘直接走啦！」
網民：「要準時去到殯儀館，再開cam同你上司直播返個現場情況，問返佢系咪仲要繼續，只要你唔尷尬，尷尬就係你上司。」
網民：「我 work 係為 life，講咩呢行冇 work-life balance，真係好涼薄。」
網民：「真是有事點解唔走？腳在你度，真是唔怪得人。」
上司冷血 但自己都要識分輕重
雖然前上司所說的：「做呢行就冇Work-life balance，星期六日都要隨時工作，你接受唔到就轉行。」的歪理實在令人不忿，有網民更指：「我 work 係為 life，講咩呢行冇 work-life balance，真係好涼薄。」
不過就是次事件，更多網民覺得事主可悲，道：「投稿者的問題大啲，原因係佢自己唔識分輕重。」、「點解你會等佢？講低就直接走啦！」遇有不合理的事，為甚麼要屈就自己，然後怪別人呢？很多網民都覺得，腳在事主身上，明明送殯一事比工作重要，就不可以作出正確的決定嗎？奴性是很可怕的存在，請大家在重要的時刻冷靜抽身，認真衡量哪一件事才是當刻最重要！
延伸閱讀：【萬聖節行行有鬼故】樂園識員收夜 驚見價錢牌OOOO！
延伸閱讀：【另類職人】凶宅清潔師見盡凶案現場 血跡未算最驚心 更試過被報夢…
延伸閱讀：【另類職人】前啱Channel演員柔柔 由幕後到幕前再轉做瑜伽導師
延伸閱讀：【另類職人】街巿出身空姐轉行開凍肉鋪 無暇因公司倒閉而失落：要向前行生活！
CTgoodjobs is Hong Kong’s leading recruitment platform. Our editors brings you the latest salary trends, interview tips, and professional courses. We provide comprehensive career insights to help you navigate career transitions, break through bottlenecks, and stay ahead in the workplace!
Explore Job
Follow CTgoodjobs for the latest career news, hot topics and recommended jobs!