Next
【職場熱話】老闆講過最難聽嘅說話係咩？網民：幫幫手！大家一齊共渡時艱！
【職場熱話】老闆講過最難聽嘅說話係咩？網民：幫幫手！大家一齊共渡時艱！
2021-11-11
打工仔每天都要與自己的上司和老闆相處，如果老細刻薄，說話苛刻又不近人情，定會令打工仔的心情很差，長期處於負面的情緒，有見及此，有網民在網上讓大家分享老闆說過最難聽的話，讓大家有一個宣洩的出口！
延伸閱讀：【另類職人】前啱Channel演員柔柔 由幕後到幕前再轉做瑜伽導師
有網民在社交平台專頁「扮工室Online」上以「印象中老闆同你說過最難聽的話……」為題，讓大家一人一句分享過往的經歷，不少網民都雀躍地討論，可是這番雀躍的背後，卻是曾經無限的心酸……同是作為打工仔的你，又有甚麼辛酸經歷呢？
即睇網民回應：﹙按圖了解﹚
網民：「幫幫手，大家一齊共渡時艱。」
網民：「話人唔識做生意，根本上自己都唔識做生意……」
網民：「唔OT又話唔勤力，OT又話你晒電。」
網民：「阿爺死嗰時，上司：『你咁早去大酒店有咩做？』我：『冇㗎，去喊㗎咋。』」
網民：「日日敲你張枱，係每一日，然後問：『What is your plan today？』」
網民：「我整傷隻左手，同老細講要請一日假，佢話：『你仲有隻右手嘛……』」
網民：「後生仔最緊要肯博肯捱……」
網民：「上司：『你遲嗰廿幾分鐘走，我唔都會當係OT㗎！』」
網民：「你幫阿xx做埋佢啲嘢啦，佢唔識做。唔識做你又唔炒佢？」
網民：「『屋企有人死就要請假！？ 咁佢屋企成日死人嘅，未唔使返工囉！』」
網民：「公司冇咗你唔得，幫幫手！」
網民：「細你好多嗰啲新人都做得好過你。」
網民：「我唔理，你幫我諗辦法搞掂咗佢！」
容忍有限度
如果只是無傷大雅自吹自擂的言辭，其實大可以不加理會就好，又不是他說了就是，就當他唱歌好了。不過，如果他們說話實在有欠尊重，令你感到多次被冒犯，又或者直接令你的工作量不合理地增加，你可以考慮為自己發聲或轉工，畢竟情緒抑壓得太久，受罪的只有你自己。
工作上要有忍讓，但並不是所有事情都要忍讓，如果太過份的話，衡量過得失，你是可以說不、拒絕、讓對方知道你的不滿。
時刻要記住，你是有選擇工作和人生的權利。
延伸閱讀：【另類職人】前啱Channel演員柔柔 由幕後到幕前再轉做瑜伽導師
延伸閱讀：【另類職人】街巿出身空姐轉行開凍肉鋪 無暇因公司倒閉而失落：要向前行生活！
延伸閱讀：【另類職人】自小幫家人開雞檔 現以跳舞、演藝為生 Catry：從來冇為街巿出身而自卑！
延伸閱讀：【另類職人】凶宅清潔師見盡凶案現場 血跡未算最驚心 更試過被報夢…
延伸閱讀：【戶外工作】以新聞攝影紀錄歷史 上山下海、更曾中彈 只憑一份使命感
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!