Next
【職場熱話】公司裁員 僥倖留低但一個人做三個人嘢 創業家人又反對⋯
【職場熱話】公司裁員 僥倖留低但一個人做三個人嘢 創業家人又反對⋯
2022-08-29
每個人的職場際遇總是有起有跌，以為已經穩定下來，現實卻有很多的變數，有時是突如其來的結束，有時是難以接受的安排，然後一切原是美好的，就被打亂了。而我們將要迎接怎樣的轉變呢？身邊重視的人，又會否支持你做出這些轉變呢？
延伸閱讀：【行業辛酸】畢業生想入行做記者 唔係讀新聞出身得唔得？網民：做咩咁睇唔開…
有網民在社交平台專頁「奴工處」上投稿分享「份工做到灰，想搞生意，屋企人又反對」
，指自己正經歷低潮期，事業上找不到下一步的方向，想作出新嘗試卻又得不到家人的支持，令他有點進退兩難的感覺，「打工近十年，本身好鍾意呢間公司，當年收到offer開心到叫咗出嚟，但而家部門殺咗，同事盡炒，一人頂三個人嘢，人工連三萬都冇，但做經理級工作。好想跳出嚟租間舖仔搞生意，但屋企話收工好唔穩定，又話怕做唔到按揭供樓，不過佢哋又批評我成日只顧OT咩嘢都唔理，咁我可以點？有冇得走出嚟做老闆？」
大家認為事主應該創業嗎？即睇網民回應：
網民：「其實唔使聽佢哋講。到你做到成績出嚟，佢哋就唔記得自己講過啲乜。」
網民：「如果真係要做按揭，就一定係做完先轉工或出嚟創業。」
網民：「Try it while you can!」
網民：「做老闆係24小時7天OT！」
網民：「而家環境唔係咁利做生意，忍下先啦！」
網民：「做老細嘅話，會令到工作成為你生活嘅一部分，基本上冇休息時間。」
網民：「生意係畀有抱負嘅人搞，唔係打工失意嘅出路，請三思。」
網民：「想做就做，好過將來後悔。」
網民：「趁有氣有力就走了，不走不知世界大的。」
網民：「創業你會做得仲長過打工。」
網民：「佢哋又啱喎，一陣你失敗咗又要佢哋幫手，我都點都阻住你先。」
網民：「聽落無論你點做，你屋企人都會鬧你，即係冇sense，你諗清楚自己想點就去做啦！」
網民：「如果真係咁想創業就唔使理其他人點講嘅，如果咁易畀人影響，自己做唔到決定，你諗吓你適唔適合做生意！」
創業要考慮的因素
雖然有不少網民都鼓勵事主，指事主如果有心創業，應該鼓起勇氣踏出第一步去試，即使家人不支持，到日後有成績後，就可以令他們心服口服。不過都有網民覺得事主要好好想一想，因為創業固然需要衝勁，不過不可以只有衝勁，更加有網民覺得事主的衝勁不足夠，指出：「生意係畀有抱負嘅人搞，唔係打工失意嘅出路，請三思。」
而在創業前，其實還需要考慮很多因素，包括資金、人脈、產品類型、產品獨特性、銷售模式、營運模式、巿場需求等等，同時，有網民提醒道：「做老闆係24小時7天OT！」希望事主可以好好思考清楚，別以為做老闆就比打工輕鬆。
好好想一想自己究竟想要甚麼，即使現時的工作環境不理想，可以考慮轉工、轉行，並不只有創業這一個選擇。但如果自己評估過後，對創業有一定的熱誠，並有資金和策略上的考慮，那就可以把握時機，趁自己還有精力和時間可以投放在挑戰上時，那就去實行吧！
延伸閱讀：【行業辛酸】畢業生想入行做記者 唔係讀新聞出身得唔得？網民：做咩咁睇唔開…
延伸閱讀：【職場熱話】慘被同事當透明人 連上司last day咗都唔知 網民：正！有糧出冇汗出
延伸閱讀：【辭職學問】盤點網民收過最有特色散水餅 乳豬、老婆餅、仲有…
Tags︰
Look out for further updates on our Facebook fan page!
Follow CTgoodjobs for the latest career news, hot topics and recommended jobs!