【職場日常】績效評核應該雙向進行！網民：只得上司話事，管理層都要被評分！

CTgoodjobs' Editor

Published: 2025-08-04 19:15

Updated: 2025-08-04 19:15

績效評核（Appraisal）是眾多企業每年例行的重要管理流程。傳統上，評核多由上司對下屬進行評價，衡量其工作表現，以決定升遷、調薪甚至續約機會。然而，越來越多人開始質疑這種「由上而下單向」模式，認為若只得上司話事，其實難以反映真正的團隊運作與管理成效。

網民在網上平台「Threads」上發文表示績效評核應該雙向進行！事主認為每次也只有上司批評下屬的表現，但作為下屬卻永沒有「出聲」的機會，實屬不公。其實公司也該設立機制予下屬點評上司的管理表現！觀點引來一眾網民熱議。

+15

+14

即睇點解要有「雙向Appraisal」！（按圖了解）

事主：有啲嘢，係雙向嘅！

寫Appraisal嘅日子永遠都會諗，點解得上司去Judge下屬嘅表現？

其實下屬都應該有資格去評價返上司Management嘅手法！

網民A：有啲公司有360 Review！

講到明係匿名，但係其實無制度保障個同事唔會畀上司秋後算帳嘅話都無用！

如果係細Team做，事後又會岀Report畀返個上司嘅話，好易估到個Comment係邊個下屬寫！

網民B：佢老闆會Review佢嘅Management手法！

公司只講效益，什麼都雙向只會減低效率。

網民C：應該都有公司引入咗360 Review！上下級同級都要填！

網民D：要寫上司Review仲慘呀，心裡面有千千萬萬樣嘢想講，但知道講完有後果然後又要做場戲扮無事！

網民E：香港好多公司嘅HR制度好落後！

網民F：通常係上司揀一啲夾到佢嘅人，如果下屬覺得上司夾唔到自己，就唯有自己走，唔係要求佢調整！

網民G：對公司嚟講上司個辦事能力指標唔係下屬有幾欣賞佢，而係Performance！

網民H：當你遇上呢類Appraisal，相信我你係唔會照直講！

網民I：世事都被你睇透了！

網民J：誠實只會令自己Bonus少咗，多個機會被上面懶係聆聽你意見咁問責！

網民K：無錯，我一直都覺得，HR係應該有個機制畀下屬Judge上司，可惜這個遊戲玩法就是偏袒上面，所以我們做下屬唯有啞忍！

網民L：通常到有人Resign先嚟做Exit Interview囉，我次次都係講雙方Expectation 唔夾！

愈來愈多新興或跨國企業在本港推行「雙向評核」，鼓勵下屬誠實評價上司的表現。有HR專家指出，這不單是員工心聲，更是企業提升領導力、員工投入度的有效方案。其實員工無論職級高低，都有權對管理手法好壞提出意見。績效評核要進步，企業與管理層應當主動接受「被評分」的文化，建立雙向溝通橋樑，讓每位成員都有發聲與參與的權利。

延伸閱讀：【職場奇聞】唔舒服想早退上司即時化身神醫！爆一句金句震驚全場！

+19

+18