【裁員風暴】上司問裁員意見名單驚現生死之交！事主：呢舖真係左右做人難

CTgoodjobs' Editor

Published: 2026-07-02 11:05

Updated: 2026-07-02 11:05

近期香港經濟低迷，企業面臨嚴峻挑戰，裁員成為不少公司的無奈選擇。在這場裁員風暴中，有公司竟然讓上司參與決定裁員名單，甚至被問及對同事的裁員意見，令人震驚。更令人唏噓的是，名單中竟出現了多年來的生死之交，讓事主感嘆「呢舖真係左右做人難」。

裁員名單驚現生死之交

+31

+30

樓主：自己被轉職，做咗上級嘅特別助理之後，對住上級時間多咗，佢同我講同事嘅嘢亦多咗。以前，我出去見承辦商或者客戶，會帶埋個拍檔同事去，希望佢做吓報告、項目進度表。而家，我冇咁多時間，上級交咗幾個項目畀佢全權負責。點知，佢交幾次報告都有甩漏，被上級鬧咗幾次。因為佢冇跟進客戶投訴，結果被上級鬧到喊。今朝，上級問我：「炒咗佢，好唔好？」我話等我同個客傾完先。搞掂個客之後返公司，其他同事WhatsApp我，話上級叫我個拍檔同事坐喺位，乜都唔准做，似乎準備炒佢……我當然唔想畀意見啦！當日我同上級講，我負責太多項目，想搵人幫手，個個同事都扮忙，係得佢冇反對。如果因為咁而被炒，我個心會唔舒服，加上而家市道差，被炒咗好難搵工。

如果我幫佢求情，肯定有人話我濫用私人關係，我係咪叫個同事擲銀仔算？

網民A：咁尷尬嘅事，師兄你就唔好理啦！
網民B：見佢做嘢求其，剩係幫佢補鑊但唔提點佢，到炒先嚟求情，會唔會太遲？
網民C：而家個市咁差，畀條生路人哋行下啦，人哋都要開飯㗎！
網民D：「做嘢好求其」？你咁講即係踩同事一腳，next啦！
網民E：炒咗佢，你做埋佢嗰份？呢個時勢唔會請人㗎！
網民F：今日你篤人，他日你亦可能被人篤走。
網民G：緊係唔好發表意見啦！
網民H：你以為係你決定？好明顯係你上司想炒佢！
網民I：你試下同個拍檔坦誠講：「你究竟仲想唔想做呢份工？想嘅，唔該你做嘢上心啲！」至於上司嗰邊，你可以話：「我已經警告咗佢，可唔可以畀多次機會？如果佢都冇改善，我都冇嘢好講。」（最重要係，香港市道真係好差，街邊吉舖多，過咗年仲多裁員！）
網民J：最憎嗰啲玩針對同埋擦鞋嘅人！

網民K：現實啲講，你幫佢求情即係同上司對着幹。除非你準備一齊走，否則咪做醜人。職場就係咁殘酷㗎啦⋯⋯

網民M：最慘係你而家點做都兩面不是人。求情=包庇，唔求情=冷血。不如直接同上司講：我唔想參與人事決定。

網民普遍對事主被要求參與裁員名單感到尷尬和無奈，認為這種情況讓人左右為難。他們多數認為事主不應輕易插手裁員決定，避免得罪同事或上司，因為職場環境殘酷，求情反而可能成為「醜人」。不少留言指出，若同事工作態度不佳，求情也許為時已晚，應讓市場自然淘汰。也有人提醒事主坦誠與同事溝通，給予改進機會，並理解香港經濟困難、裁員普遍的現實。

延伸閱讀：【職場趨勢】 2025職場預警：全球9200萬職位清零！唯獨呢種技能最值錢！

+40

+39