Next
【職場文化】返成日工無講過嘢 樓主呻公司環境太靜：就嚟口臭！
【職場文化】返成日工無講過嘢 樓主呻公司環境太靜：就嚟口臭！
2022-12-12
要凝造良好的辦公室氣氛，便應與同事多多溝通，否則死寂的氛圍只會拖低一眾同事的工作效率。最近有網民在連登討論區發文，指自己從事IT行業，每天的工作內容只須自作自活、無需與其他同事溝通，無法與人溝通的工作環境令事主十分苦悶。
即睇樓主經歷：
樓主：日日返工都係自己做自己嘢，無需要同其他同事溝通⋯⋯
樓主：基本上無咩會要開，就算真係要覆個客，都只係用Email⋯⋯
樓主：成日都唔講嘢，個口都就黎臭，仲要有排都未捱到收工。
樓主：唔止我條Team，成間公司個辦公環境都勁靜，無人講嘢咁。
樓主：返工到收工真係可以一句嘢都無講過，有無人都好似我咁？
即睇網民回覆：
網民：呢種情況經常發生，成個Office氣氛都係好靜，仲要係做會計嗰類嘢。
網民：返工見到好多打工仔唔同同事交流，招呼都唔打，勁無禮貌。有嘢唔識先去求人，結果無人理。
網民：長期WFH，同事之間嘅關係都好似網友咁。
網民：我都想日日無人搵，一個人靜靜哋做嘢。
網民：有時同同事太Frd都唔係好事，始終公司唔係識人地方。但又唔可以唔識同事唔吹水，有事你都要搵幫手搵人問，除非你返工淨係對住部腦入下Data又一日。
網民：有時仲要無Email覆，好似去圖書館自修室咁，都唔知返公司做乜，坐到夠鐘就走，浪費人生。
網民：「早晨」、「拜拜」都唔講，公事嘢都係一句起兩句止，同事間唔啱傾就唔想夾硬傾。
網民：返工長期塞耳筒聽歌，除咗聽電話都好少講嘢，有時悶先會搵人搲水吹。
網民：我都想揾呢類工，最好電話都唔使聽。
網民：公司環境都好有影響，我舊公司都會同人打招呼，喺新公司見打招呼無人理之後都費事再打。
綜合網民意見，普遍都認為辦公室氣氛寧靜實屬平常，加上公司並非員工交朋結友之地，同事之間過分熟絡反而會增加引起辦公室是非的機會。然而，過於安靜、沉悶的工作環境會令員工的工作效率降低，立即嘗試以下5招解悶大法重拾精神！
—吃零食
其實選擇零食是一門學問，如果想避免恰眼瞓，打工仔可選擇一些「有咬口」的食物，如香口膠、珍珠奶茶等。
透過不斷咀嚼、重覆的口腔活動，來保持頭腦清醒。
—聽電台
不少打工仔都會尋找自娛方法，有人會選擇用YouTube聽歌，但如果歌曲太柔和，同樣有催眠效果。
亦有人選擇聽激昂音樂，但太嘈雜的音樂或會影響同事間的溝通。
因此，電台不失為一個最佳娛樂平台，音樂、資訊性節目、生活閒聊節目應有盡有。
—多喝水
多喝水對身體有益，特別打工仔經常在冷氣地方，需要適時補充水分。
當然，多喝水自然需要多去廁所，打工仔就可以乘機多走動，伸展筋骨。
—手沖咖啡
打工仔靠咖啡提神，而想更解悶、更提神，各位咖啡迷可嘗試在pantry手沖咖啡。
除了提振心情，更可增高生活格調、培養儀式感。
手沖咖啡需要技巧與經驗，由磨豆、沖泡等過程中得到樂趣。
—香薰提神
嗅覺與精神有密切關係，打工仔可透過薄荷、檸檬草、羅勒及佛手柑等香氣，提升注意力及集中力，但切記不要選擇薰衣草等助眠香氣。
延伸閱讀：【職場文化】打工仔嫌返工齋坐好辛苦 網民認同：完全無嘢做好攰
延伸閱讀：【職場文化】懶醒同事做事馬虎 唔肯認錯 網民：日日喺度呃糧！
延伸閱讀：【職場文化】打工仔不滿同事做「獨家村」 網民反斥︰返工唔係為咗識朋友
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!