【職場文化】女性比男性更適合擔任管理層？ 網民：才能有分性別㗎咩？

現今職場中，由女性出任上司及管理層的情況越趨普遍，但女性是否有足夠能力領導團隊一直是大眾爭吵不休的話題。最近有網民於網上討論區發文，道出「女性比男性更適合擔任管理層」的看法，更認為越發達的國家就越多女性擔任管理層職位。未知廣大網民又是否同意這個觀點？

+2

+1

樓主：有無人發覺，當女性做上司或者管理層，員工多數都做得比較愉快，公司業績亦都會上升。

樓主：而且女人創業成功率高過男人。因為女人做嘢比較細心，每件小事都以大事看待。

樓主：睇吓英女王、蔡英文就知，女人好多事都做得比男人好。

樓主：一個越發達嘅國家，就越多女人做管理層。

即睇網民回覆：

+7

+6

網民：完全唔認同你嘅講法，我諗就算係女人都唔希望女性做佢上司。

網民：只係男女平等嘅表現，不存在邊個性別較優。簡單講，都係睇個人。

網民：不嬲就睇人，唔使理係咪男女。

網民：唔好玩啦！喺背後講人事非表面笑嗰啲叫快樂咩？睇你點睇啦。

網民：我個女上司完全無你講嘅優點。做嘢麻煩、講過唔算數、有嘢一定係下屬錯、心情唔好就發牌氣⋯⋯

網民：女人唔會唔識扮識，咁樣已經差好遠啦！

網民：才能有分性別㗎咩？

網民：我覺得能力唔關性別事，真係有能力就有能力、無就無！

網民：女上司用人唯親，真係無邊個唔係，冗員都死攬。耳仔太軟、把口浪過油多數都可保平安。

網民反應兩極
對於樓主的看法，網民們的反應各異，有人認為女性上司細心謹慎，能夠避免工作上的意外發生；有人則認為女性上司判斷力不足，在職場上難以作出正確決定。但一句到尾，工作能力高低乃是因人而異，並非只由性別而定。打工仔能夠察覺上司的不足及對其作出評價，但切記要理性判斷，不要被偏見沖昏頭腦。

與其日日睇上司面色，不如自己爭取上位機會！要成為公司不可或缺的員工，便要具備以下5種特質。

+13

+12

+16

+15

延伸閱讀：【職場熱話】遇上雙面上司 入職前後兩個樣 打工仔：唔會再信任何人

延伸閱讀：【難頂老細】力數上司10句乞人憎口頭禪

延伸閱讀：【升職送禮】升職擬送禮物畀上司 網民：唔使避嫌？

延伸閱讀：【職場文化】新同事走完一個又一個 上司：一個月請食幾餐迎新飯…

最新專訪片︰
【Office豪華旅行團】物業顧問公司辦公室似私人會所 有韆鞦櫈、免費生果！

⏩⏩  需要請人？立即刊登招聘廣告！  ⏪⏪