【職場八卦】老細直接加3成人工續約仲話睇好事主？網民：佢對個個同事都咁講

2023-08-17

工作合約到期要續約，本來還在苦惱如何跟老闆提加薪，結果老闆直接加薪3成？一名網民在Dcard討論區分享經歷，說老闆簽新約時直接加薪，還跟他說其他同事都沒有這樣的待遇，老闆這樣做是甚麼意思？網民說......

按圖即了解事主分享和網民回應：

事主：「最近同老細傾續約，事前同啲做咗幾耐吓嘅同事收風，知道我個post如果升唔到職應該加得嗰$500至$1000咁樣，聽到灰咗吓，不過算啦，都係打算照簽約，之後再搏升職（見到有升職機會）或者另覓高就。

但係，入到去老細房，見到份新約加咗成30% !老細仲話唔好share 出去，得我先加咁多其他人都冇咁多，仲同我講睇好我，同我講有你機會㗎。嗰吓受寵若驚，但我表現到好有冷靜咁。呢個加幅係轉一次工嘅加幅嚟。其實老細咁講，你哋點睇？」

網民：「證明老細真係睇得起你。」

網民：「想知點樣傾人工，好難開口話要多啲。」

網民：「一日未有正式文件證明，佢點講都得，留個心眼畀自己。」

網民：「其實對個個都係咁講，聽完就算啦，除咗有啲老闆會彈到你一無是處加你幾百當皇恩浩蕩外，叻嘅上司係加多少少都會同下屬講呢句。

更何況，正常同事間都唔會真心講加咗幾多畀人知啦，你點知佢係咪講真，

另外，contract工基本上就定咗budget，好難存在話特別加你一個加特別多。」

網民：「其實有時唔明點解啲manager唔肯加，間公司又唔係佢，啲錢又唔係佢出。」

網民：「新人工到位就夠晒仲想佢講咩，下次續約再睇吓點，加得唔夠轉工多就可以走，返工同事同老細講嘅嘢無論好壞一律當亂up，有錢就留冇錢就走。」

網民叫事主不要想太多，即便被老闆看重，加薪都是人人有份，很有可能老闆跟所有同事都說過同一番話，只是客套的場面話而已。

網民同時抱怨老闆上司為何很少主動替下屬加薪，而想跟老闆提出薪金調整，又要如何做呢？

Get latest jobs,career news and
job invitations on-the-go.