Next
【職場兩性】Intern受差別待遇？打工仔：女實習生做錯嘢，男同事無咁惡⋯⋯
【職場兩性】Intern受差別待遇？打工仔：女實習生做錯嘢，男同事無咁惡⋯⋯
2023-09-14
實習（Intern）可謂大學生必做的事之一，透過親身到公司工作，了解實質的工作內容及流程。同時，大學生亦都可以理解到職場及校園的差異，學習調整心態。有打工仔在網上討論區Dcard分享在公司的見聞，指發現公司同事對待男、女Intern的態度有明顯的差異，「女實習生做錯事，男同事沒那麼兇」。
點圖了解更多事主分享：
「公司每年夏天都會請Intern，而最近個批八月尾已經last day哂，就突然發現，根據小妹做咗5年Full-time嘅經驗，同事對男、女Intern好似會有少少差別對待？！
無論係男同事定女同事都會撩吓啲intern妹妹傾偈，又會同佢哋玩吓咁，即係可能見Intern妹妹怕羞唔敢問問題，就會成班同事互相講笑咁話，大家個樣嚇親人哋妹妹仔，令啲妹妹無咁驚（我都有做過，仲成日請啲妹妹食朱古力）；但啲男Intern就唔出聲，所以就真係無人會理佢哋，同埋就算啲Intern妹妹做錯嘢，啲男同事好似都無咁惡？仲會笑笑口話：『下次唔好啦！』；但男Intern做錯就係畀人木口木面話：『下次唔該小心啲，唔好再錯呢啲嘢！』
利申可能老咗，公司啲女Intern，喺我眼中真係全部可愛嘅妹妹，唔知係咪咁，所以會唔覺意對佢哋友善啲？！想聽大家公司對啲intern又係點呢！」
網民回應：
A/ 應該係靚女或者可愛嘅女intern先有着數，我又高又唔靚就唔覺有特別待遇，不過有啲阿姨真係會好鍚後生女仔，尤其好想生女但係得仔嗰啲。
B/係對靚女著數啲，我以前會打扮，會化妝嗰時，都有特別待遇，啲人好似對我好啲，對我笑嘅人多啲；而家求其唔化妝個樣都唔笑，眼都廢事睜大，就會發現變返正常待遇，不過對人唔好嗰啲人，一樣會對你唔好。
C/差別待遇，女仔個look或者打扮通常都sharp醒啲，見得吓人。男仔通常都係烚吓烚吓，成嚿飯咁（講緊自己）
D/
1）社會普遍對女性比較寬容係一個事實，因為大家仍然認為女性相比起男性比較弱勢（雖然事實上女性只係體能上弱於男性，但其他方面則各有長短）。
2）比較少女性會主動去幫男性，但卻比較多男性會主動幫女性，可能係男性在求偶上比較主動。
3）男性唔太會主動想去認識一個男性；女性似乎會主動想去認識其他女性，但唔會主動想去認識男性。
所以普遍結果就係，女性容易受到照顧；而男性則容易受到忽略，習以為常，因為大家其實都有個潛意識覺得男性係應該靠自己。
當然，以上都係以大家內外能力都係差不多的情況下嚟講，特別靚仔靚女或者特別風趣幽默，識做人咁又係另一回事。（以上就係個人認為嘅某些原因，純粹個人意見，歡迎討論）
E/我覺得公司對女職員普遍都偏包容，對男同事都會好harsh！同樣嘅工作，個同title嘅女同事效率品質都差過我，但開會嗰陣佢畀人讚做得幾好，我就半句好評都無。
然後仲要over review嗰陣同我講如果想升就要努力啲，覺得我仲可以再做好啲。慢慢明白點解成個部門咁多女仔但係得計埋我得2個男仔，根本就係壓迫到啲未見過嘅前男同事走哂。
F/不嬲個社會對女人友善過對男人好多，後生男仔係社會最最最低層。
G/係啲女人仲成日話香港對女性好差，身在福中不知幸福！
H/係因為你唔係遇到啲中年女人，我之前返Intern個Manager對住後生男仔就笑笑口，對住我就黑面。
怎樣才算是「性別歧視」？
對於事主的分享，不少網民都表示有同感，認為在香港職場對男、女都會有差別，有男網民分享親身經歷，指公司都對女同事特別好，即使男打工仔工作效率更高，成品更好，公司都會只對其女同事好，並說到開始明白公司為何女多男少；相反，有女網民表示，只是事主剛好遇上的不是中年女上司，談及以往遇上這類型的上司，對方只對年輕男同事友善；對自己就非常嚴厲。
每個上司、同事對待男、女的態度都各有不同，很容易產生誤會，甚至是有性別歧視的嫌疑。
到底《性別歧視條例》的定義是甚麼？（點圖了解更多）
招聘時如何做到兩性平等？（點圖了解更多）
延伸閱讀：【職場趨勢】TikTok成打工仔發洩工具？10大熱門職埸趨勢關鍵字！
延伸閱讀：【職涯規劃】30歲必須月入3萬元？20個職場人生道理
延伸閱讀：【工作電郵】寫Email標題唔可以亂寫？7個最常犯嘅錯誤你有冇犯？
延伸閱讀：【職場溝通】Z世代與職場老海鮮難以相處？逾1成上司於首周解僱年輕員工！
超準MBTI魔法測試！你在魔法世界裡的16型人格是什麼?
立即入嚟測試啦!!
👉🏻https://bit.ly/473SlY4
最新專訪片︰
【星級斜槓族】Sica何洛瑤推首支個人單曲《天氣之女》 入行前因愛cosplay而任職女僕café 幕前瘋癲但私下極度emo？！
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!