【甲級寫字樓】返過甲級寫字樓返唔到轉頭？難習慣工廈Office？事主：完全係兩個level！

事主有關「甲級寫字樓」的看法

+14

+13

事主：「有冇人覺得，返慣甲級office嘅工，真係會唔慣喺工廈嘅office返工。感覺真係完全兩種Level嚟，淨係搭電梯，同喺大堂都已經係兩種級數。除非係工廈office，但內裡係甲級寫字樓裝修就另計。」

網民回應事主

A.有，每日都同自己講收嘅錢係一樣嘅（我已經唔係返工廈，係商廈，已經好大感覺）。

B.如果前途人工福利upgrade咗，其實我又唔介意唔係甲級office，不過我個人concern個廁所多啲。

C.只係關心個廁所舒唔舒服，大堂都只係門面嘢。

D.棟樓綦理乾淨就OK，最重要係隔籬有好嘅配套。如果隔籬乜都冇，仲要開OT，畀你返高級寫字樓，搵3萬蚊都死。

E.兩樣都返過，只要唔係觀塘就得。

F.返過好多區，自己鐘意中環金鐘，九龍嘅話就係尖沙咀。

G.冇咩所謂，最緊要係人工，同埋廁所真係要乾淨。甲級office有返過，搭lift上到7x樓耳仔有啲辛苦，但係個海景同日落係幾靚。

H.一打開求職網站就會filter目標區域，只 target 尖沙咀、金鐘、中環。另外，我會考慮間公司同地鐵站嘅距離，唔想日日行餐死、日曬雨淋；加上甲級寫字樓都好大型，地面上去都好花時間。我極滿意而家office：第一次返金鐘，12分鐘地鐵就到，雖然唔及同區其他地方咁靚咁有feel ，但金鐘站唔大（返過銅鑼灣行到斷氣又浪費時間）又唔使再淋雨，走動其他方又極近，真係無敵。

I.甲級同工廈都有返過，唔會再揀工廈返。唔係虛唔虛榮問題，係環境問題，當你試過落車後露天行15分鐘先到公司，行行下有貨車司機無啦啦響咹，個司機只係等你擰轉身，想睇你咩樣。走廊個地下永遠唔平，同埋總會有陣罨罨地嘅味，而個廁所好似拍鬼片咁，就算急屎都想返屋企先痾。

J.Sorry，我絕對會，兩樣都返過，唔會再想返返工廈，係連個工廈地區都唔會鍾意。

K.我兩樣都返過，各有各好。甲級Office就一定係新，同埋通常都係喺交通便利嘅地方，一落街就有商場行。但係因為香港寸金尺土，Office裡面相空間就比較狹窄；所以工廠大廈其實都唔差，如果你公司識得裝修美化，其實空間感非常之大，而且好好用。

L.我以前都返工業區又近屋企；而家返中環，來回3粒鐘車程，但公司條件福利人工環境樣樣好過舊公司，連氣氛都好好多，所以從前抗拒返中環都變得冇所謂。

對於事主提出的言論，不少網民都同意這個論點，有人講述個人經歷指這與虛榮心無關，只是在工廠區上班的體驗太差，不論是內部裝修還是洗手間都令人感到不適。有人就認為無論是甲級寫字樓還是工廈都沒關係，最重要的洗手間整潔，讓人能夠安心使用。部分人就覺得比起工作環境，薪酬及晉升條件都是考慮因素之一，假如待遇夠好，即使是工廈上班也沒關係。

在甲級商業大廈上班應該甚麼？

+10

+9

見工時靠4個環境細節判斷公司好壞

+10

+9

1. 留意門口傘架

踏入面試公司的第一步，求職者可以留意門口的傘架狀況。如果天氣明明很好，但傘架裡卻放滿雨傘的話，不止反映員工的散漫，會把雨傘扔在傘架裡不管。亦顯示公司高層也不太注重細節，態度放任，有管理不完善之嫌。

2. 公共空間髒亂

上公司見工一定要借用洗手間視察整潔度，並路過檢查一下影印機周圍的情況，可以反映出公司的生產力及員工質素。影印機是很多人輪流使用的機器，萬一發現周圍很髒亂，堆滿印錯的紙張，或任由印上商業資料的紙張隨便丟置，暗示員工管理出現問題。如果洗手間及公共空間收拾得非常整潔，光憑這一點就可以為企業加分。

3. 時鐘或月曆有誤差

如果發現公司時鐘有誤差，或者日曆上的日期過了，卻沒有翻頁，這可能表示員工都沒有守時的基本觀念，公司工作態度稍為鬆散。因為大家每日進出公司公共區域，竟然都沒有發現問題，更甚是發現了卻放着不管。不會主動思考該為公司做些甚麼並提出意見，那麼這間公司絕對不能持續成長。

4. 會議室裹沒有白板

通常鼓勵員工自由發表意見的公司，會議室牆上都一定掛有白板，甚至不止一塊。如果會議室沒有白板，就表示這間公司只是由高層向下屬下命令的地方，來開會的人只需要閱讀派發的文件而已。因此如果你想公司推測這間公司的員工會否主動、熱情地參與討論，其中一個方法就是檢視會議室有沒有白板。

延伸閱讀: 【職場熱話】 香港工作環境係懲罰忠心嘅員工？網民：你為公司着想，公司有為你着想嗎？

延伸閱讀: 【見工面試】面試官問「你嘅理想工作環境係點？」應該點答好？

延伸閱讀: 【職場新鮮人】人生頭兩份工決定未來職涯 5個特點辨認公司係咪值得久留

最新專訪片︰
【星級斜槓族】Cloud雲浩影曾做過侍應、補習老師及派傳單 風格多變深受觀眾喜愛 冀能實現演唱會夢