【管理問題】老闆擔心員工請假見工 逼問管理層交代下屬請假原因 事主:我就算問都唔會講真話啦!
CTgoodjobs' Editor
在職場上,請假本是員工應有的福利,但當涉及請假原因時,往往成為老闆與員工之間微妙的溝通橋樑。每當發現員工有意另謀高就時,管理層也會份外小心「批假」。但相信沒有一位打工仔請假見工時會直言各向公司交代,同時亦衍生出另一個問題「請假是權利,是否有必要如實向上司交代原因?」。
網民在網上平台「Threads」上分享指自己作為管理職層,每每遇上下屬請假時也不會過於追問原因,可是老闆每次就會逼問他交代下屬請假原由,並直言「請假去見工我唔會批!」令事主苦惱不已,陷入兩難局面。
即睇事主分享及網民回應:(按圖了解)
事主:同事入紙請假,我攞張表格畀老闆簽。
老闆:佢咩原因請假?
事主:我無問!
老闆:你應該要問
事主:(我次次都唔會問,但老闆就次次都問我,今次我忍唔住問佢)
事主:其實點解要問原因?AL係佢哋應有嘅福利……
老闆:因為我係老闆,我想知點解!
事主:吓?
老闆:如果佢哋請假去見工我唔會批!
事主:但係無人會話去見工……
老闆:咁係佢哋唔誠實!
有時同老闆溝通完我真係唔識畀回應,不過佢未試過唔畀人放假,只係點都要問吓……
網民A:有些僱員需要明白以下概念:
年假是申請,不是通知。僱主是可以不批的,亦不需要理由。你申請時可以不給原因,但他亦有權不批。僱主一定要放年假給僱員,但僱員無權選擇日期。
根據香港法例第57章僱傭條例41AA8(b)「僱員須在與僱主雙方協議的日子放假,如未有協議者,則由僱主指明放假的日子。」雖然僱主在指定日子時也有一些規定,但理論上不需要考慮僱員的意願。的確很無奈,但法律是這樣寫的。
網民B:宜家係通知你請假……唔係要你批!
網民C:普遍香港老闆都係控制狂,永遠要高高在上。我試過SL喺公司WhatsApp群組講,老闆叫我下次要私下同佢講先,但我哋只係3人蚊型公司……
網民D:試過屋企人入醫院(急症),我臨時上午請假半日,下午上司同我講請事假要提早請,公司有權唔批……
網民E:呢個老闆困咗係自己世界好耐,見工請SL㗎!
網民F:每次放假都話去外地見姨媽!利申:我家族根本無姨媽呢個角色!
網民G:一般足夠時間前申請假期嘅就唔使講原因嘅,但如果畀唔夠時間又要好急放假,一般老闆都會問。
網民H:啲員工都幾慘!
網民I:我試過請假照直講去主題樂園玩!
網民J:返工做咩就你要知,放工放假做咩你都要知?
網民K:好老一代思想!
請假是僱員依法享有的權利,僱主有權知悉請假原因,但員工是否如實交代則屬個人選擇。部分老闆要求管理層追問請假原因以掌握員工動向,擔心員工利用假期另謀高就反映出事主公司上司與下屬間缺乏信任,老闆又過於監控的狀態。其實上司應在尊重員工私隱與保障公司運作間取得平衡。員工亦應了解自身權益,促進良好溝通與和諧工作環境。
延伸閱讀:【打工福利】荷蘭有「工作倦怠假」?有醫生紙仲可以照出糧!
延伸閱讀:【勞工法例】過咗試用期都唔可以放年假?事主:公司話頭一年只可以請無薪假!
延伸閱讀:【同事觀察】想知邊個同事唔會喺自己背後搞小動作?返工時留意呢幾件事!
最新專訪片︰
【office豪華旅行團】GT Group超日系辦公室展現年輕活力 仲有Poolside畀員工放水燈!