【確診Omicron】下屬不幸染疫但被要求繼續開工　老闆：已經WFH仲想點？

Omicron疫情來勢洶洶，每個人身邊總有一兩個親朋戚友不幸中招。仍須每天返回辦公室的打工仔可謂每天「搵命搏」，少不免會有害怕在街上感染的焦慮感。不過，在家工作是否等於一定不會受感染呢？未必，雖說可以減少外出感染的機會，但有時難免是同住家人等因素而感染。最近，有名中層管理人員到社交媒體專頁「奴工處」投稿，指其下屬確診感染新冠肺炎，但老闆竟然用一個原因要求該染疫員工繼續工作。

延伸閱讀：【新冠肺炎】打工仔檢測呈陽性　公司應如何處理打工仔確診個案？

即睇事主分享及網民回應：（按圖了解）

+13

+12

事主：而家公司WFH，不過下屬中咗招其實都要休息，但老細仲叫繼續做。
事主：我話佢都病緊，不如畀佢唞下啦，點知……
事主：佢話：「吓！已經唔使佢日日搭車返工，幫佢慳返唔少錢，仲想點？」

網民：WFH幫公司慳返好多燈油火蠟，仲想點？
網民：其實WFH幫間公司慳唔少！
網民：如果返office，我不需要自己畀電費、冷氣費、自己電腦、唔使自己煲水、洗廁所，所以點計都係返office好。
網民：中咗應該係病假喎！
網民：中咗都要做？你預我做錯晒囉～
網民：同老細講，你而家出5份4糧幫你慳唔少！
網民：聽聞某大公司有高層話病咗都可以WFH照做，叫team leader要求成條 team一定唔好返辦公室。
網民：佢知唔知中咗係計病假？病假叫人開工係咪畀人告得少？
網民：疫症下見盡涼薄老闆。
網民：有些人的眼中只有「錢」呢個參數……
網民：同老闆講返聲，做得陰質事多會折福㗎。
網民：祝福老闆他朝君體也相同。
網民：老闆，我日日背後鬧你都係幫你積陰德，又唔見你封返封利是畀？

網民指老闆原因不成立　感嘆疫情是僱主照妖鏡

網民齊聲對老闆的「WFH慳錢論」深感不滿，因為在家工作安排同時減少了公司的營運成本，例如：水費、電費、冷氣費等。眾多網民認為，對比公司節省下來的營運開支，員工省下來的車費只是微不足道，而員工更需要額外負擔在家工作的電腦用電量，一名網民更表示：「我公司WFH有每月津貼$450。」這道留言讓一眾打工仔感到非常羨慕。

至於「染疫者是否適合WFH」的核心問題，普遍網民皆認為染病應該要休息，WFH並非不給予病假的理由，因為染病後若缺乏休息會直接影響個人的康復進度，另外會影響產出質素。不少網民感嘆，「疫症下見盡涼薄老闆」，認為疫情是一眾僱主的照妖鏡。

延伸閱讀：【新冠肺炎】確診Omicron要隔離幾耐先可以返工？跟最新防疫政策教你計算隔離日數
延伸閱讀：【新冠肺炎】20大Omicron病毒常見症狀你要知！
延伸閱讀：【Omicron】打工仔詢問康復後遺症 網民：無乜特別感覺 最大感覺係肥咗囉！

⏩⏩  需要請人？立即刊登招聘廣告！  ⏪⏪