Next
【求職面試】獲取錄通知冇報到！而家去任職得唔得？網民因1關鍵理由支持事主！
【求職面試】獲取錄通知冇報到！而家去任職得唔得？網民因1關鍵理由支持事主！
2024-06-04
正所謂「蘇州過後無船搭」，假如未能及時把握難逢的機會，就追悔莫及。有求職者在網上討論區Dcard訴苦，指自己收到心儀的公司取錄通知，卻沒有及時報到，疑問現時能否任職，網民提出1個理由支持事主！
點圖了解更多事主分享：
事主：「原本我收到一間好鍾意嘅公司通知，話我被正式取錄。但我報到之前唔小心整親，短時間內行唔到路，要休養。當時有諗過問公司可唔可以遲啲先報到，但又唔知自己養傷需要幾多時間，我答唔到公司，怕畀人覺得厚面皮，所以就取消報到，等公司唔會浪費時間等我。
而家我傷勢好返好多，見公司有請人，而我仲係好想去嗰間公司返工，想再回心轉意問吓間公司，可唔可以任職，咁樣做啱唔啱？麻煩大家答吓我！」
網民回應：
A/應該要喺取消之前講明原因！畢竟因為受傷而唔報到唔係特登，但如果唔講明就唔報到，公司都會打電話問你啦！除非你連電話都唔聽，事後都冇聯絡公司，否則咁樣再Apply會好玄。
B/如果當初有講咩原因，應該可以再問吓先，但職位空缺仲喺度，唔代表未請到人，好多公司喺新人未穩定落嚟嗰陣，都會開住先。
C/可以，你可以同對方講話自己In過，都收到通知，目前見到職位空缺開住，加上身體好好多，唔知可唔可以再畀次機會。
D/你問咪有機會；唔問咩都冇！
E/如果有留低聯絡方式，可以直接去問吓先，大不了再見多次工，又唔會少忽肉。
F/唔問點知得唔得？勇敢啲啦！
G/問吓先，面皮唔使咁薄，人哋唔同意大不了就唔去！
H/你應該問吓先再決定取唔取消，就咁取消，又話自己腳傷，人哋公司HR，點知你講真定假。
I/如果佢有出職位空缺，你可以直接問，講明點解會再應徵，有問有機會，或者對方想睇受傷嘅證明，你可以順便準備埋。
對於事主的分享，不少網民都提議事主踏出第一步嘗試，有人表示有發布職位空缺，仍然有應徵工作的機會，而公司HR或者會想看事主的受傷證明，讓事主最好做準備。相反，有網民認為，仍有職位空缺，或許只是因為公司的新人仍未穩定。很多人都鼓勵事主再次應徵，坦言只是想着不嘗試，就不會有機會，大不了就重新應徵。
求職者失敗全因1個舉動？（點圖了解更多）
即睇6大「離職原因」模範答案：
延伸閱讀：【見工面試】Interview完幾耐先收到Offer？HR︰1星期、1個月、3個月都有
延伸閱讀：【面試技巧】拆解銀行見工常見Apt test題型及系統 有4個貼士幫你順利過關
延伸閱讀：【面試技巧】面試常見問題 「加班有冇問題？」 學識巧妙地回答
最新專訪片︰
【星級斜槓族】Yan Ting周殷廷曾愛情事業兩失意 自認是失敗的歌手 入行9年首度開個唱
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!