Next
【辭職信】辭職信終極指南：格式及辭職原因一覽 附中文、英文範本
【極品上司】遞辭職信後慘遭上司6大報復手段！網民教路還擊招式
【極品上司】遞辭職信後慘遭上司6大報復手段！網民教路還擊招式
2025-03-03
職場上，辭職本應是職業生涯中的一個正常環節，許多打工仔為了轉換跑道、追求更好的未來而選擇辭職。然而，有些上司卻因此採取極端手段，對員工進行報復，令人不寒而慄。近日，有網民在討論區發文，分享自己遞交辭職信後，慘遭上司多番報復的經歷，直言：「呢幾日發惡夢見到佢就心跳加速同好想喊」，道出了內心的巨大壓力與恐懼。
按圖即看事主分享及網民留言！
事主：早幾日同同事一齊遞咗信，然後上司變到好恐怖。我哋兩個真係諗住幫盡到最後一刻安安樂樂咁離開公司，唔知係咪因為同時間遞信刺激到上司。
呢幾日佢都無咩好臉色，早幾日因為工作上問題畀佢叫入房鬧咗幾句。其實只係draft有字眼上錯誤要改，一向都要畀佢睇咗approve咗先send出街，問佢可以點改又死都唔答。後面開始就變成為鬧而鬧，掟keyboard又拍晒枱；人身攻擊又話要封殺我；又話戴口罩唔respect佢；又話Whatsapp請假鬼鼠；又話走個陣唔特登同佢講bye bye係唔respect佢，音量嘈到其他部門嘅同事打電話入嚟都聽到話：「原來佢個性格係咁架？」
同事話佢已經經歷咗幾次，但係忍咗啖氣 （btw super都係因為佢走咗，人哋做咗十幾年，畀佢鬧到有少少抑鬱） 我心諗我都遞咗信點解要忍你啲臭脾氣，呢頭打畀HR想feedback吓佢情緒管理問題，結果個HRM就打畀佢，然後佢就開始講我壞話。
後尾同HRM傾咗9個字，同佢講埋其實我同事畀佢鬧得更慘，不過睇款佢都只係聽吓就算。呢個上司空降咗4個月，走咗4個人你唔覺得有問題架咩？而家我好真係好驚返工見到， 呢幾日發惡夢見到佢個癲樣就心跳加速同好想喊。
總結網民留言
網民A：辭咗職畀人咁鬧法都要忍………
網民B：遞咗信 SL是常識吧。你選擇要走就理得佢，一啲冇料到嘅人先會人身攻擊，早走早着。
網民C：使驚佢咩？一聽就知佢只係識玩micro management，我會錄埋音，臨走send畀同事做紀念品。
網民D：你當佢唱歌喇，都就走囉，驚咩？再唔係就port去HR度話佢insulation 劃花佢record，佢以後保到份工都唔使旨意升職。
網民E：遞咗信你就係無敵星星狀態，記住拎電話拍低做證據。
網民F：搵HR冇用，HR有份請佢。你投訴佢，即係話HR 請錯人。遞咗信就唔使理佢，叫你入房你可以唔入。同其他team同事保持聯絡，咁樣走咗之後仲可以收多幾個月風。
網民G：試過佢哋會扮晒嘢打畀你公司嗰邊反映，好彩個teamlead有同我傾返，唔係無啦啦冇份工都幾煩。行頭窄嘅最好摸吓杯底搞掂佢，咪畀個位佢落台。
網民H：做人唔好咁懦弱得唔得？
網民I：佢同你嘈，你咪同佢嘈，你都辭咗工仲驚乜？
網民J：遞咗信，你仲可以惡過佢。
網民K：行頭好窄？如果係，忍到咪忍吓佢，左耳入右耳出，忍唔到咪鬧返佢轉頭囉。呢啲人一向都係欺善怕惡，得把口兇狠。
在職場上，遞交辭職信後遭遇上司報復的情況並不少見，網民們對此紛紛發表意見，並提供多種應對策略。首先，部分網民認為應以無視為主，強調只有能力不足的上司才會選擇人身攻擊，更直言既然已經辭職，就無需再懼怕對方，甚至可以「惡過佢」，展現強硬態度。
許多網民特別強調保留證據的重要性，建議錄音或拍下上司的不當行為，作為日後反擊的籌碼。更有網民提議將錄音發送給同事，讓大家看清上司的真面目，揭露其惡劣行徑。然而，也有網民提醒，若所處行業圈子較小，應謹慎處理，避免與上司徹底撕破臉，以免影響未來的職業發展。
2025年係「報復性辭職」之年！調查指打工仔抱有辭職念頭已逾13個月！
延伸閱讀：【辭職跳槽】離職後被舊同事追問現時工作地點？網民：唔做直接Block咗佢！
延伸閱讀：【中秋節】Intern拎月餅當散水餅令同事不滿 Last Day上班8件必做的事
延伸閱讀：【職場熱話】求職者係曾欺凌過自己嘅同學 你會選擇面試奚落佢定唔見佢？
延伸閱讀：【打工仔復仇記】老闆為慳錢決定炒人 同事願意降薪留職只為報仇！網民：公司管理層自食其果！
最新專訪片︰
Look out for further updates on our Facebook fan page!
Jobs You Maybe Interested In
Latest IT Salary Trend
-
View Jobs30kMedian Salary
-
View Jobs22kMedian Salary
-
View Jobs20kMedian Salary
-
View Jobs20kMedian Salary
- More IT Salary
Related Articles
Follow CTgoodjobs for the latest career news, hot topics and recommended jobs!