【辭職跳槽】離職後被舊同事追問現時工作地點？網民：唔做直接Block咗佢！

正所謂「日後留一線，他朝好相見」，很多人在離職時都希望與同事、上司保持良好關係，不過，並非每個人都做到。有台灣打工仔在網上討論區Dcard分享個人經歷，指自己在辭職後，一直被舊同事追問去向，令他感到不知所措。網民建議事主：「離職後直接封鎖對方就好！」

點圖了解更多事主分享：

+15

+14

事主：「多數離職都係『日後留一線，他朝好相見』，老闆同員工心裡面都好清楚各自為咗人工而聚埋一齊，但做得耐咗就會遇上各種怪狀況，唔知有無人遇過前同事會問你而家喺邊度做？

我幾乎做過嘅公司，都有可以繼續私交嘅前同事，除非我哋都已經走咗，否則我嘅禮貌都係『唔過問工作嘅嘢』，畢竟人哋要講自然會講，可以傾嘅話題明明咁多，何必執着於『而家喺邊度做』？

我試過喺某間公司做，幾乎所有離職嘅人都會被當成叛徒，每個離職嘅人都畀人話『公司提拔你做主管，竟然上位就走！』、『公司曾經栽培你進修學習，竟然忘恩負義離職！』、『公司畀你學咁多嘢，唔係為咗免費幫你下一位老闆培訓員工！』咁嘅閒言閒語。

尤其係有啲老闆心胸好窄，好鍾意造謠抹黑人，畀人知道辭咗職後喺邊度做，就逃不過被唱衰嘅命運。好似透過人際網路，或者利用自身資源，躲在背後對離職員工現公司中傷攻擊，間接造成離職員徒增善後嘅工作量。

見不得離職嘅員工過得好，過得好嘅就係『睇你得意得幾耐！』過得唔好就會被當成笑話，好似你離開咗你公司，只能抵你窮困潦倒唔順利，『公司咁偉大你都夠薑唔做，真係唔知死！』講真真係好無聊！簡直就係小學生嘅報復行為，都做到老闆嘅位，點解仲係咁，真心祝福你哋，未來嘅仔女都會遇到好似你咁嘅老闆。」

網民回應：

A/我前公司嘅人問我去邊度返工，我都答「未搵到工，有冇好工介紹？」

B/我返鄉下耕田！

C/我有間公司離職6年，仲係每年問我喺邊度做。

D/我離職都直接剷咗佢哋，關係唔好甚至會封鎖咗佢哋，完全冇啲咁嘅問題。

E/我都話，我又唔缺錢，做咩搵工。

F/我而家要離職都一直被問下份工去邊度做，唔係問佢有咩工好介紹，就係話我要返屋企瞓覺。通常聽到我咁答，佢都唔會再繼續問。

G/我係唔怕前公司咁問，我都會話你哋人工畀唔到咁高。

H/我離職都直接Block晒公司所有contact。

I/我都試過畀人咁追問，Message同電話追問，我不讀不回，佢哋就唔再問。

J/交情唔係好好，直接Block晒佢哋就得。

K/以為係我寫，真係好有同感。

L/你咪求其作間公司，得佢哋想唱都搵唔到你嗰種，最多咪當係八卦，或者眼紅你，想打電話玩你。

網民都紛紛分享離職時的處理方案，有人會裝傻問同事，有否好工介紹。有人就抱怨離職6年，都仍然收到前公司的「問候」。另外，有人選擇直接了斷，選擇「封鎖」前公司的同事。在公司能夠交到好朋友，到離職時仍能保持良好關係並非必然，假如到離職後仍然收到前同事的騷擾，就不妨考慮斷絕來往，無謂浪費精神在不必要的地方上。

退出公司WhatsApp Group要點先得體？（點圖了解更多）

+12

+11

即睇3個問題幫你邁向成功！

+6

+5

延伸閱讀：【職場英語】想喺Email快速表明目的？ 教你7大「For your…」用法
延伸閱讀：【職涯規劃】30歲最後悔做過邊10件事？「拍拖太少」都上榜？
延伸閱讀：【職場熱話】好奇而家返工嘅人用乜中文輸入法多？網民：而家班00後好多都用普通話拼音啦！
延伸閱讀：【職場關係】10種職場「小人」典型特徵 小心過度友善 悲觀主義者

用你3分鐘！快啲填！🥳🥳🥳

《CTgoodjobs 2024年第一季薪酬趨勢調查》

👉https://bit.ly/CTgoodjobs2024年第一季薪酬趨勢調查 

最新專訪片︰

【星級斜槓族】ViuTV女神沈殷怡棄律師入娛圈 自認變態喜歡考試 曾有一刻後悔入行？！

⏩⏩  需要請人？立即刊登招聘廣告！  ⏪⏪